আমেৰিকাৰ শুল্ক আৰু সীমা সুৰক্ষাৰ তথ্য অনুসৰি ২০২২ চনৰ অক্টোবৰৰ পৰা ২০২৩ চনৰ ছেপ্টেম্বৰৰ ভিতৰত অবৈধভাৱে আমেৰিকা সীমান্ত পাৰ হৈ যোৱাৰ সময়ত অভিলেখ ৯৬,৯১৭ জন ভাৰতীয়ক ধৰা পেলোৱা হৈছে।
তথ্য অনুসৰি, আমেৰিকাৰ দক্ষিণ সীমান্তৰ লগতে উত্তৰ সীমান্তত মৰ্মান্তিকভাৱে লোকৰ মৃত্যু হোৱাৰ পাছতো প্ৰায় ৯৭ হাজাৰ ভাৰতীয়ই আমেৰিকা পাবলৈ এই বিপজ্জনক পথসমূহ বাছি লৈছিল।
৯৬,৯১৭ জন ভাৰতীয়ৰ ভিতৰত কানাডাৰ সীমান্তৰে অবৈধভাৱে আমেৰিকাত প্ৰৱেশ কৰি থকা অৱস্থাত ধৰা পৰিছে ৩০,০১০ জন আৰু মেক্সিকান সীমান্তৰে অবৈধভাৱে আমেৰিকাত প্ৰৱেশ কৰিবলৈ চেষ্টা কৰি থকা অৱস্থাত ধৰা পৰিছে ৪১,৭৭০ জন।
লগতে পঢ়কঃ নগ্ন কৰি ভিডিঅ’ৰেকৰ্ড! IIT-BHU কেম্পাছত অকথ্য নিৰ্যাতনৰ বলি ছাত্ৰী; প্ৰতিবাদত বহিল শিক্ষাৰ্থী
বাকীবোৰ আমেৰিকাৰ মূল ভূখণ্ডত প্ৰৱেশ কৰাৰ পিছত ধৰা পৰে। আমেৰিকাত অবৈধভাৱে প্ৰৱেশ কৰিবলৈ চেষ্টা কৰা ভাৰতীয়ৰ সংখ্যা ২০১৯-২০২০ বৰ্ষৰ পৰা পাঁচগুণ বৃদ্ধি পাইছে। সেই সময়ত ১৯,৮৮৩ জন ভাৰতীয়ই অবৈধভাৱে আমেৰিকাত প্ৰৱেশ কৰিবলৈ চেষ্টা কৰি থকা অৱস্থাত ধৰা পৰিছিল।
টাইমছ অৱ ইণ্ডিয়াৰ এক প্ৰতিবেদনত আৰক্ষীৰ এজন বিষয়াৰ উদ্ধৃতি দি কোৱা হৈছে যে অবৈধভাৱে আমেৰিকাত প্ৰৱেশ কৰিবলৈ চেষ্টা কৰা লোকৰ সংখ্যা বহুত বেছি হ’ব পাৰে কিয়নো সীমান্তত ধৰা পৰা প্ৰতিজন ব্যক্তিৰ বিপৰীতে আন ১০ জন লোক থাকিব পাৰে যিয়ে পাৰ হৈ আমেৰিকা পাবলৈ সক্ষম হৈছে।
আৰক্ষী বিষয়াগৰাকীয়ে লগতে কয় যে এইসকল গুজৰাট আৰু পঞ্জাৱৰ বাসিন্দা আৰু আমেৰিকাত বসতি স্থাপন কৰাৰ আকাংক্ষা লৈ আহিছে। গ্ৰেপ্তাৰ কৰা লোকসকলক চাৰিটা ভাগত ভাগ কৰা হৈছে — সংগহীন শিশু, পৰিয়ালৰ সদস্যৰ সৈতে থকা শিশু আৰু সমগ্ৰ পৰিয়াল। এইক্ষেত্ৰত অবিবাহিত প্ৰাপ্তবয়স্কসকলেই আটাইতকৈ ডাঙৰ শ্ৰেণী।
লগতে পঢ়কঃ ম্যানমাৰ সীমান্তত থকা চহৰৰ নিয়ন্ত্ৰণ হেৰুৱাইছে সামৰিক জুন্টা বাহিনীয়ে
প্ৰতিবেদনত কোৱা হৈছে যে শেহতীয়াকৈ আমেৰিকাৰ সীমান্তত ৮৪ হাজাৰ অবিবাহিত প্ৰাপ্তবয়স্কক আটক কৰা হৈছে। কমেও ৭৩০টা সংগহীন শিশুকো আটক কৰা হয়।
ইয়াৰ পৰা বুজা যায় যে আমেৰিকাত বহু ভাৰতীয় শিশুৱে নিজকে ইমিগ্ৰেচন এণ্ড কাষ্টমছ এনফৰ্চমেণ্ট (আইচিই)ৰ জিম্মাত বিচাৰি পাব। মে’ মাহত মহামাৰী যুগৰ সীমান্ত নীতি টাইটেল ৪২ৰ অন্ত পৰাৰ ফলত অবৈধ অনুপ্ৰৱেশৰ উত্থান ঘটিছিল যিটো পূৰ্বৰ নিৰ্দেশৰ ফলত বাধাপ্ৰাপ্ত হৈছিল য’ত আমেৰিকাই আশ্ৰয়ৰ শুনানি অবিহনে অবৈধ অনুপ্ৰৱেশকাৰীক বিতাড়িত কৰাৰ অনুমতি দিছিল।
লগতে পঢ়কঃবিধ্বংসী ভাৰত: শ্ৰীলংকাক বিধ্বস্ত কৰি বিশ্বকাপৰ ছেমিত প্ৰৱেশ
বিষয়াসকলৰ উদ্ধৃতি দি প্ৰকাশ কৰা টাইমছ অৱ ইণ্ডিয়াৰ প্ৰতিবেদনত কোৱা হৈছে যে বছৰি বহু ভাৰতীয় আমেৰিকাত ধৰা পৰে যদিও মানৱীয় কাৰণত তাত আশ্ৰয় বিচৰাৰ বাবে মাত্ৰ কেইজনমানকহে বিতাড়িত কৰা হয়।
