সোমবাৰে কেন্দ্ৰীয় বিত্তমন্ত্ৰী নিৰ্মলা সীতাৰমনে সংসদত দাখিল কৰা বাজেটত প্ৰত্যক্ষ কৰৰ এলানি সংস্কাৰৰ কথা ঘোষণা কৰিছে।
ক্ষুদ্ৰ কৰদাতাৰ ওপৰৰ পৰা বোজা হ্ৰাস কৰা হৈছে। সেইদৰে কৰ ব্যৱস্থাক সৰলীকৰণ কৰা হৈছে।
এইবাৰ বাজেটত জ্যেষ্ঠ নাগৰিকসকলক কৰৰ ক্ষেত্ৰত ৰেহাই দিয়া হৈছে। ৭৫বছৰ বা তাৰ ওপৰৰৰ জ্যেষ্ঠ ব্যক্তিসকলে (পেঞ্চন আৰু সুতৰ ওপৰত নিৰ্ভৰশীল) আয়কৰ ৰিটাৰ্ণ ফাইল দাখিল কৰিব নালাগে বুলি প্ৰস্তাৱ দিয়া হৈছে।
তদুপৰি, ফেচলেচ কৰ প্ৰশাসনৰ বাবে বিশেষ ট্ৰিবিউনেল গঠনৰ প্ৰস্তাৱ দিয়া হৈছে।
আনহাতে, সোমবাৰে কেন্দ্ৰীয় বিত্তমন্ত্ৰীয়ে কৰ’না সংকটৰ পৰা সকাহ লাভৰ বাবে ২০ লাখ কোটি টকাৰ ‘আত্মনিৰ্ভৰ’ পেকেজ ঘোষণা কৰে।
অৱশ্যে, ‘আত্মনিৰ্ভৰ’ পেকেজত মধ্যবিত্তৰ বাবে কৰ ৰেহাই বা আন কোনোধৰণৰ ঘোষণাই স্থান লাভ কৰা নাই।
