আজি বৃহস্পতিবাৰৰ পৰা পুনৰ আৰম্ভ হৈছে গুৱাহাটী-উত্তৰ গুৱাহাটীৰ ফেৰী সেৱা।
ৰাজ্যৰ পৰিবহণ মন্ত্ৰী চন্দ্ৰমোহন পাটোৱাৰীয়ে ঘোষণা কৰিছে এই কথা।
মন্ত্ৰী পাটোৱাৰীৰ মতে আভ্যন্তৰীণ জল পৰিবহণ সেৱাৰ পুনৰ যাত্ৰীৰ বাবে মুকলি কৰা হ’ব।
যোৱা ৰাতি নিজৰ টুইটাৰ একাউন্টত টুইট কৰি এই কথা ঘোষণা কৰিছে মন্ত্ৰীগৰাকীয়ে।
From tomorrow the Ferry Service between North Guwahati and Guwahati is going to be resumed, the ferry service between Majuli and Jorhat had already resumed from May 4, 2020 after due adherence of all COVID-19 safety norms. @sarbanandsonwal @diprassam
— Chandra Mohan Patowary (@cmpatowary) May 6, 2020
আজিৰ পৰা গুৱাহাটী-উত্তৰ গুৱাহাটী, গুৱাহাটী-মধ্যম খণ্ড, ৰাজদুৱাৰ আৰু গুৱাহাটী-কুৰুৱাৰ মাজত চলাচল হ’ব ফেৰী সেৱা।
মন্ত্ৰীগৰাকীয়ে টুইটত কয় যে যোৱা ৪ মে’ৰ পৰা মাজুলীত ফেৰী চলাচল পুনৰ আৰম্ভ কৰা হৈছে।
কোভিড১৯ত প্ৰতিৰোধৰ বাবে ফেৰী যাত্ৰাৰ সময়ত সামাজিক দূৰত্ব ৰক্ষা কৰাৰ লগতে চেনিটাইজ কৰা হ’ব।
উল্লেখ্য যে, ক’ৰ’না প্ৰতিৰোধৰ বাবে দেশজুৰি বলবৎ কৰা ল’কডাউনৰ বাবে ফেৰী সেৱা বন্ধ হৈ আছিল।