টেলিকম জগতত চাৰি বছৰত পদাৰ্পন কৰা ৰিয়ায়েন্স জিঅ’ই এটাৰ পাছত আন এটা অফাৰ ঘোষণাৰ জৰিয়তে এয়াৰটেল, ভোডাফোন আদি কোম্পানীৰ ওপৰত চাপ সৃষ্টি কৰাত উঠিপৰি লাগিছে।
প্ৰতিযোগিতামূলক বজাৰখনত গ্ৰাহকৰ বাবে আকৰ্ষণীয় প্লেনৰ কৰি আহিছে কোম্পানীটোৱে। এইবাৰ গ্ৰাহকক আন এক মনোলোভা অফাৰ আগবঢ়াইছে য’ত মাত্ৰ আঢ়ৈ টকাতে গ্ৰাহকে পাব অতিৰিক্ত ডাটা।
যিসকল প্ৰিপেইড গ্ৰাহকে অধিক ডাটা ব্যৱহাৰ কৰে তেওঁলোকৰ বাবে বৰ্তমান আটাইতকৈ উপযোগী প্লেন হৈছে ৫১ দিনৰ ভেলিডিটি থকা ২৫১ টকাৰ প্লেনটো।
এই প্লেনত ভইচ কলৰ সুযোগ নাই যদিও গ্ৰাহকে প্ৰতিদিনে ২ জিবি ডাটা লাভ কৰে।
তদুপৰি, জিঅ’ৰ বহু এনে কেবল ডাটা প্লেন আছে য’ত ৰিচাৰ্জ কৰিলে ৬ জিবি পৰ্যন্ত ডাটা ব্যৱহাৰৰ সুযোগ পোৱা যায়।
সস্তাৰ ভিতৰত ২৫১ টকাৰ প্লেনটোৱেই আটাইতকৈ উত্তম। প্ৰতিদিনে ২ জিবি ডাটা হিচাপত প্ৰতি ১ জিবি ডাটাৰ বাবে গ্ৰাহকে খৰচ কৰিব লাগে মাত্ৰ ২ টকা ৪৬ পইচা।
সেই হিচাপত প্ৰতিদিনে পাংচ টকাতকৈয়ো কমত অতিৰিক্ত ২ জিবি ডাটা ব্যৱহাৰৰ সুযোগ। অৱশ্যে, মনত ৰাখিব লগা কথাটো হ’ল ইয়াত ভইচ কল বা এছএমএছৰ বাবে সুকীয়াকৈ টপ আপ ৰিচাৰ্জ কৰিব লাগিব।
যিসকলে ছচিয়েল মিডিয়াত অধিক ব্যস্ত থাকে, ডিজিটেল প্লেটফৰ্মত চিনেমা, ৱেব ছিৰিজ চোৱাৰ চখ ৰাখে বা অনলাইন গেম খেলাৰ নিচা আছে তেওঁলোকৰ বাবে উক্ত প্লেনটো হৈছে আটাইতকৈ উপযোগী।
উদাহৰমস্বৰূপে,যিসকলে ৩৯৯ টকাৰ প্লেন ব্যৱহাৰ কৰি আছে তেওঁলোকে প্ৰতিদিনে ডেৰ জিবি ডাটা লাভ কৰে। এতিয়া ইয়াৰ সৈতে যদি ২৫১ টকাৰ প্লেনটো ৰিচাৰ্জ কৰে তেতিয়াহ’লে তেওঁ প্ৰতিদিনে আৰু অতিৰিক্ত ২ জিবি ডাটা লাভ কৰিব।
অৱশ্যেই যিসকলে অধিক ডাটা ব্যৱহাৰ কৰে তেওঁলোকৰ বাবেহে এই প্লেনৰ ৰিচাৰ্জ লাভজনক। কিয়নো ৰিচাৰ্জৰ পাছত সেইটো এক্টিভ নকৰিলে প্লেনটোৱে কোনো ধৰণে কাম নকৰিব। সেয়েহে, MyJio এপত গৈ ‘My Vouchers’ শাখাৰে ইয়াকএক্টিভ কৰিব লাগিব।
