দেশৰ অন্যতম টেলিকম সেৱাৰ প্ৰতিষ্ঠান ৰিলায়েন্সে জিঅ’ফইবাৰ মুকলি কৰি ইয়াৰ গ্ৰাহকৰ বাবে ঘোষণা কৰিছে অতি আকৰ্ষণীয় সুবিধা।
মুকেশ আম্বামীৰ প্ৰতিষ্ঠানটোৱে ৩৯৯ টকাৰ মাহেকীয়া জিঅ’ফাইবাৰ ৰিচাৰ্জত এই বিশেষ সুবিধাসমূহ আগবঢ়াইছে।
মূলতঃ নতুন ইউজাৰ বৃদ্ধিৰ লক্ষ্যৰে প্ৰতিষ্ঠানটোৱে এই প্লেনসমূহ ঘোষণা কৰিছে বুলি জানিব পৰা গৈছে।
৩৯৯ টকাৰ লগতে প্ৰতিষ্ঠানটোৱে ৬৯৯, ৯৯৯ আৰু ১৪৯৯ প্ৰিপেইড প্লেনো ঘোষণা কৰিছে।
এই প্লেনসমূহৰ পৰা ইউজাৰসকলে বিশেষ কিছুমান সুবিধা লাভ কৰিব।
লগতে পঢ়ক : গ্ৰাহকলৈ এয়াৰটেলৰ বিশেষ সুবিধা প্ৰদান : তিনিটা প্লেনত গ্ৰাহকে লাভ কৰিব ফ্ৰী ডাটা
প্ৰতিষ্ঠানটোৱে জনোৱা অনুসৰি ৯৯৯ টকাৰ প্লেনত ইউজাৰে ১১ টা ডিজিটেল প্লেটফৰ্মৰ ফ্ৰী চাবস্ক্ৰীপশ্যন লাভ কৰিব।
আনহাতে ১,৪৯৯ টকাৰ ৰিচাৰ্জ কৰিলে ইউজাৰে Netflix, Amazon Prime Video, Disney Plus Hotstar, Sony Liv আদিকে ধৰি জনপ্ৰিয় ১২ টা OTT প্লেটফৰ্মৰ চাবস্ক্ৰীপশ্যন লাভ কৰিব।
ইয়াৰ লগতে প্ৰতিটো প্লেনতে ইউজাৰসকলে বিনামূলীয়া কল আৰু আন লিমিটেড ইন্টাৰনেট ডাটাৰ সুবিধা লাভ কৰিব।
অৰ্থাৎ প্ৰথম ৰিচাৰ্জৰ পৰা ৩০ দিন বিনামূল্যে ডাটা ব্যৱহাৰৰ সুযোগ লাভ কৰিব ইউজাৰসকলে।
প্ৰতিষ্ঠানটোৱে লগতে কয় যে নতুন গ্ৰাহকক পৰীক্ষণৰ বাবে এটা 4K ছেট টপ বক্সো প্ৰদান কৰিব।
য’ত ১০ টা OTT প্লেটফৰ্মৰ সেৱা উপভোগ কৰিবলৈ সক্ষম হ’ব ইউজাৰসকল। ইয়াৰ বাবে গ্ৰাহকসকলে অতিৰিক্ত ধন খৰচৰ কৰিব নেলাগে।
এই পৰিসেৱা ১ ছেপ্টম্বৰৰ পৰা প্ৰতিষ্ঠানটোৱে মুকলি কৰিব।