তিনিদিন ধৰি চলোৱা জেৰাৰ অন্তত অৱশেষত আজি মাজুলীত আৰক্ষীয়ে গ্ৰেপ্তাৰ কৰে বহু বিতৰ্কিত অসম আৰক্ষীৰ এছ আই জোনমণি ৰাভাক।
মাজুলীৰ আৰক্ষী অধীক্ষক গৌতম বৰাই সংবাদমাধ্যমক এই কথা জানিবলৈ দিছে।
মাজুলীৰ গড়মুৰ থানাত তিনিদিন ধৰি আৰক্ষীয়ে জোনমণিক জেৰা চলাই বহু তথ্য লাভ কৰিবলৈ সক্ষম হৈছিল। তেনেবোৰ তথ্যৰ আলমতে আৰক্ষীয়ে আজি তেওঁক গ্ৰেপ্তাৰ কৰে।
জোনমণিৰ দুটা বেংক একাউন্টত ২০ লাখৰো অধিক টকা জমা হোৱাৰ তথ্য আৰক্ষীয়ে লাভ কৰিবলৈ সক্ষম হৈছে।
ভাবি স্বামী ৰাণা পাগাগৰ সৈতে জোনমণিৰ নাম প্ৰৱঞ্চনাৰ সৈতে জৰিত হৈ পৰিছিল।
গড়মূৰ আৰক্ষী থানাত উপস্থিত হোৱাৰ পিছতে তিনি দিন ধৰি বিতৰ্কিত এছ আই জোনমণি ৰাভাক আৰক্ষীয়ে জেৰা চলাইছিল।
ইতিমধ্যে জোনমণিৰ এজাহাৰৰ ভিত্তিতে আৰক্ষীয়ে জোনমণিৰ ভাবী স্বামী ৰাণা পাগাগক গ্ৰেপ্তাৰ কৰিছিল।
অভিযোগ অনুসৰি জোনমণি ৰাভা মাজুলীত নিযুক্ত হৈ থকাৰ সময়তে ৰাণা পগাগে নিজকে অ’এনজিচিৰ বিষয়া বুলি পৰিচয় দি বহতৰে পৰা ধন সংগ্ৰহ কৰিছিল ।
পগাগ ধৰাৰ পৰাৰ পিছত এই কাণ্ডত জোনমণিও জৰিত বুলি পগাগেই প্ৰকাশ কৰিছিল।
