যোৰহাট পুলিবৰ আৰক্ষীয়ে যোৱা নিশা এক অভিযান চলাই এখন চোৰাং গৰু ভৰ্তি ট্ৰাক জব্দ কৰে l
যোৰহাট জিলাৰ পুলিবৰ আৰক্ষীয়ে পুৱতি নিশা গোপন সূত্ৰৰ পম খেদি যোৰহাট কাকজানৰ পৰা গুৱাহাটী অভিমুখে নি থকা অৱস্থাত ৩৭ নং ৰাষ্ট্ৰীয় ঘাই পথত গৰু ভৰ্তি ট্ৰাক খন জব্দ কৰে l
গাড়ীৰ চালকৰ মন্তব্য অনুসৰি কাকজানত তিনিখন গাড়ীত একেলগে গৰু ভৰ্তি কৰি গুৱাহাটী অভিমুখে যাত্ৰা কৰোতে তাৰে এখন আৰক্ষীয়ে জব্দ কৰে l
উল্লেখ্য যে যোৰহাটৰ পৰা গৰুৰ অবৈধ বেহাৰ লগত এটা বৃহৎ ছিণ্ডিকেট চক্ৰ জড়িত থকাৰ সন্দেহ কৰা হৈছে l
এই অবৈধ গৰু সৰবৰাহ চক্ৰৰ লগত জড়িত তিনি জনক ইতিমধ্যে পুলিবৰ আৰক্ষীয়ে আটক কৰিছে বুলি জানিব পৰা গৈছেl
