বলিউদৰ জনপ্ৰিয় অভিনেত্ৰী কংগনা ৰানাৱাটে আহিবলগীয়া এখন চলচ্চিত্ৰত ভাৰতৰ প্ৰাক্তন প্ৰধান মন্ত্ৰী ইন্দিৰা গান্ধীৰ চৰিত্ৰ ৰূপায়ন কৰিব।
কংগনা ৰানাৱাটে চলচ্চিত্ৰখনত ইন্দিৰা গান্ধীৰ চৰিত্ৰ ৰূপায়ন কৰিব বুলি নিজে জানিবলৈ দিয়ে।
‘‘জনবালৈ পায় সুখী হৈছো যে মোৰ বন্ধু চাই কবীৰ আৰু মই এখন ৰাজনৈতিক চলচ্চিত্ৰ অভিনয় কৰিম। মনিকৰ্ণিকা ফিল্মছে এই চলচ্চিত্ৰখন নিৰ্মাণ কৰিব,’’ কংগনা ৰানাৱাটে এইদৰে কয়।
কংগনাই ইন্দিৰা গান্ধীৰ চৰিত্ৰ ৰূপয়ন কৰিবলগীয়া চলচ্চিত্ৰখনৰ নাম এতিয়ালৈ নিৰ্ধাৰণ কৰা হোৱা নায়।
কংগনাই চলচ্চিত্ৰখন ইন্দিৰা গান্ধীৰ জীৱন ভিত্তিক চলচ্চিত্ৰ নহয় এখন ভাৰতীয় ৰাজনৈতিক ইতিহাসৰ গুৰুত্বপূৰ্ণ সময়ত ধৰি ৰখা চলচ্চিত্ৰ হ’ব বুলি উল্লেখ কৰে।
চলচ্চিত্ৰখনত অপাৰেশ্যন ব্লু ষ্টাৰৰ লগতে দেশত ঘোষণা কৰা জৰুৰীকালীন সময়কো উপস্থাপন কৰা হ’ব বুলি জানিব পৰা গৈছে।
ৰাজনৈতিক চলচ্চিত্ৰখনত বহু তাৰকা অভিনেতাই সঞ্জয় গান্ধী, ৰাজীৱ গান্ধী, মোৰাৰজী দেশাই আৰু লাল বাহাদুৰ শাস্ত্ৰী আদিৰ চৰিত্ৰত অভিনয় কৰিব।
