টীয়কৰ সমষ্টিৰ বৃহত্তৰ ঔগুৰি অঞ্চলৰ ৰাইজৰ সহযোগ তথা বেচৰকাৰী সংস্থা মাতৃভূমি আৰু স্প’ৰ্ছ ভেলীৰ উদ্যোগত ঔগুৰি উচ্চ মাধ্যমিক বিদ্যালয়ৰ খেল পথাৰত যোৱা ১৫ নবেম্বৰৰ পৰা আয়োজন কৰা প্ৰাইজমনি ফুটবল প্ৰতিযোগিতাৰ চুড়ান্ত খেল খন কাৰচং এফ চি
মাজুলী আৰু জেলেঙিটোপ, টীয়ক ফুটবল দলৰ মাজত অনুষ্ঠিত হয়।
উক্ত প্ৰতিযোগিতাৰ আৰম্ভণিতে টীয়কৰ বিভিন্ন সামাজিক কামকাজৰ লগত জড়িত কেইবাগৰাকীও বিশিষ্ট ব্যক্তি খেলুৱৈসকলক উৎসাহিত কৰে আৰু খেল উপভোগ কৰে।
এই চুড়ান্ত খেলখনত উন্নত খেল প্ৰদৰ্শন কৰা দুয়োটা দলে নিৰ্ধাৰিত সময়ত কোনো গল কৰিবলৈ সক্ষম নোহোৱাত পাছত টাইব্ৰেকাৰ কৰিবলৈ খেলৰ পৰিচালকে সিদ্ধান্ত লয়।
অতি ৰোমাঞ্চকৰ মাজত কাৰচং এফ চি, মাজুলী দলটোৱে টাইবেকাৰত ১ গলৰ ব্যৱধান বিজয়ী হয়।
উল্লেখযোগ্য যে ঔগুৰিৰ দৰে এক ভিতৰুৱা অঞ্চলত এনেকুৱা এখন সুন্দৰ খেল অনুস্থিত কৰাৰ বাবে উপস্থিত অতিথিসকলে উদ্যোক্তাসকলৰ শলাগ লয়।
উক্ত খেলপথাৰখন কিছু মেৰামতিৰ লগতে এখন পুৰ্ণাংগ খেলপথাৰলৈ ৰূপান্তৰ কৰি গ্ৰাম্যাঞ্চলত ক্ৰীড়াৰ পৰিবেশ গঢ়ি তুলিবলৈ চৰকাৰক আহ্বান জনাইছে স্থানীয় ৰাইজে।
