কাৰাবন্দী গেংষ্টাৰ লৰেন্স বিষ্ণোইক হত্যা কৰিব পাৰিলে ১,১১,১১,১১১ টকাৰ পুৰস্কাৰ ঘোষণা কৰিছে কৰণী সেনাই। এনকাউণ্টাৰত গেংষ্টাৰ লৰেন্স বিষ্ণোইক হত্যা কৰিব পৰা আৰক্ষী বিষয়াক এক কোটি টকা দিব বুলি ক্ষত্ৰীয় কৰণী সেনাই প্ৰকাশ কৰিছে। মহাৰাষ্ট্ৰৰ এনচিপি নেতা বাবা ছিদ্দিকীৰ হত্যাকাণ্ডৰ দায়িত্ব স্বীকাৰ কৰিছে বিষ্ণোই চক্ৰই। আনকি তেওঁৰ বিধায়ক পুত্ৰ জীশান আৰু বলীউডৰ অভিনেতা ছলমান খানকো লৰেন্সৰ হিটলিষ্টত থকা বুলি কোৱা হৈছে।
ভিডিঅ’ বাৰ্তাযোগে ক্ষত্ৰীয় কৰণী সেনাৰ ৰাষ্ট্ৰীয় সভাপতি ৰাজ শ্বেখাৱটে কয় যে যিজনে আৰক্ষী বিষয়াই লৰেন্স বিষ্ণোইক হত্যা কৰিব পাৰে তেওঁক ১,১১,১১,১১১ টকাৰ পুৰস্কাৰ দিয়া হ’ব। ৰাজ শ্বেখাৱটে দাবী কৰে যে এই মুহূৰ্তত সাধাৰণ মানুহৰ সুৰক্ষা গুৰুত্বপূৰ্ণ। সেইবাবেই ব্যৱস্থা ল’ব লাগিব। এই বাৰ্তাটোত শ্বেখাৱটে কেন্দ্ৰ আৰু গুজৰাট চৰকাৰক গৰিহণা দি কয় যে লৰেন্সৰ দৰে জঘন্য হত্যাকাণ্ডৰ সৈতে মোকাবিলা কৰাত ব্যৰ্থ হৈছে। গতিকে তেওঁক হত্যা কৰা পুলিচ বিষয়াই পাব পুৰস্কাৰ।
ভিডিঅ’ বাৰ্তাটোত শ্বেখাৱাটে লগতে কয় যে লৰেন্স বিষ্ণোই হৈছে আমাৰ দেশৰ বহুমূলীয়া মণি অমৰ শ্বহিদ সুখদেৱ সিং গোগামেডিৰ হত্যাকাৰী বুলি নৱভাৰত টাইমছত প্ৰকাশ পাইছে।
বৰ্তমান গুজৰাটৰ সাবৰমতী কাৰাগাৰত আছে গেংষ্টাৰ লৰেন্স বিষ্ণোই। অভিযোগ উঠিছে যে তেওঁ জেলৰ পৰা দলটো পৰিচালনা কৰে। তেওঁৰ বিৰুদ্ধে আন্তঃৰাষ্ট্ৰীয় ড্ৰাগছ সৰবৰাহ, অস্ত্ৰ সৰবৰাহৰ অভিযোগ। ছলমান খানৰ চক্ৰটোৱে ঘৰৰ বাহিৰত গুলীচালনা কৰাৰ অভিযোগ উত্থাপন হৈছে। লগতে ২০২৩ চনৰ ছেপ্টেম্বৰ মাহত তেওঁৰ দলটোৱে খালিস্তানী সমৰ্থক সুখা ডুনেকেৰ হত্যাকাণ্ডৰ দায়িত্ব স্বীকাৰ কৰিছিল। আনকি কানাডাতো তেওঁৰ দলটোৱে কেইবাবাৰো গুলীচালনাৰ অভিযোগ উত্থাপন কৰিছে।
