কান্নুৰৰ অতিৰিক্ত জিলা উপায়ুক্ত মোহন বাবুৰ মৃত্যুত মঙলবাৰে আৰক্ষীয়ে স্থানীয় চিপিএম নেতা পিপি দিবাইক গ্ৰেপ্তাৰ কৰে। এই ঘটনাৰ বাবে কেৰালাত আৰম্ভ হৈছে ৰাজনৈতিক হেঁচা।
কান্নুৰৰ অতিৰিক্ত ন্যায়িক দণ্ডাধীশে মঙলবাৰে নাকচ কৰে দিব্যাৰ আগতীয়া জামিন আবেদন। ইয়াৰ পাছতে আৰক্ষীয়ে তেওঁক জিম্মাত লয়। কান্নুৰৰ আৰক্ষী আয়ুক্ত অজিত কুমাৰে কয় যে আমি আইনী প্ৰক্ৰিয়া অনুসৰি ব্যৱস্থা গ্ৰহণ কৰিম যদিও কেৰালাৰ বিৰোধী কংগ্ৰেছৰ অভিযোগ সত্ত্বেও আৰক্ষীয়ে শাসকীয় শিবিৰৰ প্ৰভাৱশালী নেতাজনক লুকুৱাই ৰাখিবলৈ চেষ্টা কৰিছে।
১৪ অক্টোবৰত আৰম্ভ হৈছিল এই ঘটনা। কান্নুৰ পঞ্চায়ত সমিতিৰ সভাপতি দিব্যাই অতিৰিক্ত জিলা উপায়ুক্ত মোহনক বদলি সন্দৰ্ভত অভ্যৰ্থনাৰ আনুষ্ঠানিক অনুষ্ঠানত ৰাজহুৱাভাৱে ‘দুৰ্নীতিগ্ৰস্ত’ আখ্যা দিয়ে। পিছদিনা মোহনৰ মৃতদেহ উদ্ধাৰ হয়। অভিযোগ উত্থাপন হৈছিল যে সৎ বিষয়া মোহন নিৰপেক্ষভাৱে কাম কৰি থকাৰ সময়তে শাসকীয় দল চি পি এমৰ চকুত পৰিছিল। দিব্যাৰ অপমান আৰু হেঁচাত পৰি তেওঁ আত্মহত্যা কৰে। মানৱ অধিকাৰ আয়োগৰ ওচৰতো এজাহাৰ দাখিল কৰে পৰিয়ালটোৱে।
এজাহাৰ লাভ কৰাৰ পাছত মানৱ অধিকাৰ আয়োগে আৰক্ষীৰ প্ৰতিবেদন চমন কৰে যদিও আৰক্ষীয়ে কয় যে মৃত্যুৰ কাৰণ স্পষ্ট হোৱা নাই। ইয়াৰ পাছতে বিষয়টোৰ ওপৰত বিতৰ্ক আৰম্ভ হ’ল। মোহনৰ পত্নী মঞ্জুশা আদালতৰ কাষ চাপিল। তাৎপৰ্যপূৰ্ণভাৱে মোহনৰ নিজৰ জিলা পাঠনামথিটাৰ চিপিএমৰ নেতাসকলেও দিব্যাৰ বিৰুদ্ধে ব্যৱস্থা গ্ৰহণৰ দাবী জনায়। দিব্যাই অগ্ৰিম জামিন বিচাৰি আদালতৰ কাষ চাপিছিল যদিও মঙলবাৰে জামিন নাকচ কৰা হয়। ইয়াৰ পাছত তেওঁক গ্ৰেপ্তাৰ কৰা হয়।
