কোভিডৰ সময়ত প্ৰতিকাৰ হিচাপে নিমখ-পানীৰে গাৰ্গল কৰাৰ ওপৰতে আটাইতকৈ বেছি নিৰ্ভৰ কৰিছিল মানুহে। বিভিন্ন গৱেষণাৰ পৰা দেখা গৈছে যে টিকাকৰণৰ সমান্তৰালকৈ কভিডৰ পৰা হাত সাৰিবলৈ নিমখ পানীৰে গাৰ্গল কৰাটোৱেই আটাইতকৈ ফলপ্ৰসূ উপায়।
এই পদ্ধতিৰ ওপৰত নিৰ্ভৰ কৰি মানুহ উপকৃতও হৈছে। কিন্তু কোভিডৰ পিছত এই প্ৰতিকাৰৰ কথা কিমানে মনত ৰাখিছে? চৰ্দিৰ পৰা উপশম পোৱাৰ উপৰিও নিমখ-পানীৰে গাৰ্গল কৰাৰ আন বহু উপকাৰ আছে। বসন্ত কালত ৰোগ প্ৰতিৰোধৰ ক্ষেত্ৰত এই প্ৰতিকাৰ অতি ফলপ্ৰসূ। ঠাণ্ডা নালাগিলেও দিনটোত এবাৰ হ’লেও গাৰ্গল কিয় কৰিব লাগে জানি লওক।
১) শৰীৰৰ pH ৰ ভাৰসাম্য সঠিক ৰাখে
কফত থকা ক্ষতিকাৰক বেক্টেৰিয়াৰ বাবে শৰীৰত এচিডৰ মাত্ৰা বৃদ্ধি হ’বলৈ ধৰে, যাৰ ফলত পি এইচৰ ভাৰসাম্যত প্ৰভাৱ পৰে। কিন্তু নিয়মিতভাৱে নিমখ পানীৰে গাৰ্গল কৰিলে এই সকলোবোৰ ৰোধ কৰিব পৰা যায়। এনে কৰিলে এচিডৰ প্ৰভাৱ কমি যায়। ফলত পি এইচৰ ভাৰসাম্য সঠিক হয়, যাৰ বাবে ডিঙিত উপকাৰী বেক্টেৰিয়াৰ সংখ্যা বৃদ্ধি পাবলৈ আৰম্ভ কৰে।
২) টনচিলাইটিছৰ প্ৰকোপ কমি যাব
আপুনি কেতিয়াবা টনচিলৰ বিষত ভুগিছেনে? যদি আছে তেন্তে নিয়মিতভাৱে নিমখ পানীৰে গাৰ্গল কৰাৰ অভ্যাস কৰক। বেক্টেৰিয়া বা ভাইৰাছৰ সংক্ৰমণৰ ফলত টনচিলত প্ৰদাহ বৃদ্ধি হয়, যাৰ ফলত যন্ত্ৰণা হয়। নিমখ পানীৰে গাৰ্গল কৰিলে বীজাণুবোৰ ধ্বংস হয়। ফলত টনচিলাইটিছৰ প্ৰকোপ কমি যায়।
৩) মুখৰ দুৰ্গন্ধ দূৰ কৰে
মুখৰ দুৰ্গন্ধৰ মূল কাৰণ দুটা। যদি মুখগহ্বৰত বেক্টেৰিয়াৰ সংখ্যা বৃদ্ধি পায় আৰু শৰীৰৰ পি এইচ ভাৰসাম্য বিঘ্নিত হয়, তেন্তে একে ধৰণৰ সমস্যাই মূৰ দাঙি উঠে। এই দুয়োটা ক্ষেত্ৰতে কুহুমীয়া নিমখ পানীৰে গাৰ্গল কৰিলে দুৰ্গন্ধ দূৰ হয়।
৪) হাওঁফাওঁৰ সংক্ৰমণৰ সম্ভাৱনা কমি যায়
কেৱল ঋতু পৰিবৰ্তনৰ সময়তে নহয়, প্ৰদূষণৰ বাবেও হাওঁফাওঁত সংক্ৰমণ ঘটে। দিনটোত তিনি-চাৰিবাৰ নিমখ পানীৰে গাৰ্গল কৰিলে সংক্ৰমণৰ পৰা মুক্তি পাব পাৰি। বিভিন্ন ধৰণৰ ক্ষতিকাৰক বেক্টেৰিয়াৰ বাবে হাওঁফাওঁৰ ক্ষতিৰ আশংকা আৰু নাথাকিব।
৫)দাঁতৰ সমস্যা দূৰ হয়
নিয়মিতভাৱে নিমখ পানীৰে গাৰ্গল কৰিলে দাঁতৰ ক্ষয় ৰোধ কৰিব পাৰি। নিমখত কেইবাটাও খনিজ পদাৰ্থ থাকে, যিবোৰ দাঁতৰ বাবে উপকাৰী। ইয়াৰ উপৰিও ই দাঁতৰ একেবাৰে ওপৰৰ তৰপটো সুস্থ ৰাখে, যাৰ ফলত এনামেলৰ ক্ষতিও ৰোধ কৰে। দাঁতৰ বিষ হ’লেও এই কৌশল মানি চলিলে সকাহ পোৱা যায়।
