কালি তিনিচুকীয়া জিলাৰ ধলা-শদিয়া দলঙৰ সমীপৱৰ্ত্তী খেৰবাৰী গাঁওৰ নৰহত্যা ঘটনাৰ তীব্ৰ প্ৰতিক্ৰিয়া প্ৰকাশ কৰিছে কৃষ্ণাই বাঙালী সমাজে৷ এই ঘটনাক এক কাপুষালি আখ্যা দি তীব্ৰ গৰিহণা দিছে কৃষ্ণাই বঙালী সমাজে। অসমত থকা বঙালী লোকসকলৰ জীৱন আৰু সম্পত্তিৰ নিৰাপত্তা নিশ্চিত কৰাৰ দাবী কৰিছে কৃষ্ণাই বঙালী সমাজে।
ধলাৰ নৰহত্যাৰ ঘটনাত তীব্ৰ প্ৰতিক্ৰিয়া প্ৰকাশ কৰাৰ লগতে দোষীক শাস্তি প্ৰদানৰ দাবী কৰিছে৷ ইফালে কাইলৈ আহ্বান দিয়া বন্ধত কৃষ্ণাই বাঙালী সমাজে সমৰ্থন জনাইছে৷
‘চৰকাৰৰ অৱহেলাৰ বাবেই তিনিচুকীয়াত এই ঘটনা সংঘটিত হৈছে৷ যাৰ কাৰণে ফুট গধুলীতে অচিনাকি এদল যুৱকে ৫জনকৈ নিৰীহ লোকক অতি নিৰ্মমভাৱে গুলীয়াই হত্যা কৰিলে—’ এই মন্তব্য মানকাচৰ বিধানসভা সমষ্টিৰ কংগ্ৰেছ দলৰ বিধায়ক ডা° মতিয়ৰ ৰহমান মণ্ডলৰ৷
গুৱাহাটীৰ পৰা নিজ সমষ্টিলৈ গৈ থকা বিধায়কগৰাকীয়ে কৃষ্ণাইত নৰ্থ ইষ্ট নাওৰ আগত তিনিচুকীয়াৰ ঘটনাক তীব্ৰ নিন্দা কৰাৰ লগতে দোষীক শাস্তি প্ৰদানৰ দাবী কৰে।
