ভাৰতীয় তৰুণ শ্বাটলাৰ লক্ষ্য সেনে ফাইনেলত বিশ্ব চেম্পিয়ন ছিংগাপুৰৰ লোহ কিয়ান ইউ-ৰ বিৰুদ্ধে দুৰ্দান্ত যুঁজ দি ইণ্ডিয়ান অ’পেনৰ খিতাপ জয় কৰে।
ফাইনেলত লক্ষ্য সেনে ২৪-২২, ২১-১৭ ব্যৱধানত বিজয় সাৱ্যস্ত কৰে।
দেওবাৰে দুপৰীয়া বি ডব্লিউ এফ বিশ্ব ট্যুৰ ছুপাৰ ৫০০ ছিৰিজৰ প্ৰতিযোগিতা ইণ্ডিয়া অ’পেনৰ ফাইনেলত ছিংগাপুৰৰ লোহ কিয়ান ইউৰ মুখামুখি হৈছিল।
লগতে পঢ়ক: Covid Update: ৰাজ্যত অব্যাহত কোভিডৰ দ্ৰুত সংক্ৰমণ; নতুনকৈ ২৪ ঘন্টাত কিমান হ’ল আক্ৰান্ত?
ফাইনেলখনত দুয়োজনৰ মাজত চলা তীব্ৰ প্ৰতিদ্বন্দ্বিতাৰ অন্তত লক্ষ্য সেনেই ‘লক্ষ্যভেদ’ কৰিবলৈ সক্ষম হয়।
ইয়াৰে সৈতে লক্ষ্যই তেওঁৰ কেৰিয়াৰৰ তৃতীয়টো খিতাপ হস্তগত কৰে। ২০২১বৰ্ষত বি ডব্লিউ এফে আয়োজন কৰা বিশ্ব চেম্পিয়নশ্বিপৰ ছেমিফাইনেলত প্ৰৱেশ কৰিছিল লক্ষ্য সেন। কিন্তু তাত কদম্বি শ্ৰীকান্তৰ হাতত পৰাজিত হয়।
দেওবাৰৰ মেচখনত আৰম্ভণিৰে পৰাই লক্ষ্যই আক্ৰমণৰ লগতে সুন্দৰ ডিফেন্সিভ টেকনিক প্ৰয়োগ কৰে। তদুপৰি, প্ৰতিদ্বন্দ্বী লোহৰ একাধিক ‘আনফ’ৰ্ছড এৰৰ’ৰ সুবিধা লাভ কৰে সেনে।
লগতে পঢ়ক:কি হৈছে শিৱসাগৰৰ লোক নিৰ্মাণ বিভাগৰ কাম কাজত? ভাঙি পৰিছে ইখনৰ পিছত সিখন দলং
প্ৰথমটো গেমত তীব্ৰ প্ৰতিদ্বন্দ্বিতা চলে যদিও লক্ষ্যই ২৪-২২ত সেই গেম নিজৰ পক্ষত আনিবলৈ সক্ষম হয়। দ্বিতীয় গেমত যথেষ্ট সহজভাৱে ২১-১৭ ব্যৱধানত বিজয় সাৱ্যস্ত কৰি লক্ষ্যই খিতাপ হস্তগত কৰে।
