লৌহ কন্যা লাভলীনা বৰগোহাঁইক আজি যোৰহাটত ৰাজহুৱা সম্বৰ্ধনা জনোৱা হয়।
যোৰহাট প্ৰেছ ক্লাবত আজি লৌহ কন্যা গৰাকীক যোৰহাট এমেচাৰ বক্সিং ক্লাবৰ উদ্যোগত যোৰহাট প্ৰেছ ক্লাব,যোৰহাট আছু আৰু বিভিন্ন দল- সংগঠনে সম্বৰ্ধনা জনায় l
ৰাজহুৱা সম্বৰ্ধনা জনোৱাৰ পিছত সুখী অনুভৱ কৰে লৌহ কন্যা গৰাকীয়ে ।
উল্লেখ্য লাভলীনাই ২০১৭ চনত ভিয়েটনামৰ হো চি মিন চিটিত অনুষ্ঠিত এছিয়ান চেম্পিয়নশ্বিপ বক্সিং প্ৰতিযোগিতাত ব্ৰঞ্জৰ পদক আৰু ২০১৮ চনৰ নতুন দিল্লীত অনুষ্ঠিত হোৱা বিশ্ব চেম্পিয়নশ্বিপত ব্ৰঞ্জৰ পদক লাভ কৰিছিল।
তেওঁ ৬৯ কিলোগ্ৰাম ৱেলটাৰৱেট শাখাত তৃতীয় স্থান অৰ্জন কৰিছিল। অলিম্পিকৰ বাবে যোগ্যতা অৰ্জন কৰা তেওঁ অসমৰ প্ৰথম গৰাকী মহিলা আৰু শিৱ থাপাৰ পিছত দেশক প্ৰতিনিধিত্ব কৰা ৰাজ্যখনৰ দ্বিতীয় গৰাকী বক্সাৰ ।
লাভলীনাই ২০২১ চনত টকিঅ’ ২০২০ অলিম্পিকত ব্ৰঞ্জৰ পদক লাভ কৰে।
