Live|| মোদী চৰকাৰৰ শপত গ্ৰহণ
শপত গ্ৰহণ কৰা অৱস্থাত নৰেন্দ্ৰ মোদী। President of Indiaৰ ইউটিউব চেনেলৰ পৰা।
নতুন দিল্লীৰ ৰাষ্ট্ৰপতি ভৱনত চলি আছে নৰেন্দ্ৰ মোদী নেতৃত্বাধীন দ্বিতীয়খন কেন্দ্ৰীয় চৰকাৰৰ শপতগ্ৰহণ।
ইতিমধ্যে ভাৰতৰ ১৫সংখ্যক প্ৰধান মন্ত্ৰীৰূপে নৰেন্দ্ৰ মোদীয়ে শপত লোৱাৰ লগতে পূৰ্বৰ চৰকাৰৰ জ্যেষ্ঠ মন্ত্ৰী ৰাজনাথ সিং, নীতীন গাদকাৰি, নিৰ্মলা সীতাৰামন আৰু বিজেপি সভাপতি অমিত শ্বাহে শপত গ্ৰহণ কৰিছে।
বিজেপিৰ জ্যেষ্ঠ নেতা তথা পূৰ্বৰ মোদী কেবিনেটৰ মন্ত্ৰী অৰুণ জে’টলি আৰু সুষমা স্বৰাজ নতুন মন্ত্ৰীসভাত নাথাকে।
৭ বজাৰ পৰা অনুষ্ঠিত অনুষ্ঠানটোত ১৪খন দেশৰ মুৰব্বীয়ে অংশগ্ৰহণ কৰিছে।
উপস্থিত আছে প্ৰাক্তন প্ৰধান মন্ত্ৰী মনমোহন সিং, ৰাহুল গান্ধী, ছোনিয়া গান্ধীকে ধৰি বিৰোধী দলৰ নেতা আৰু দেশৰ বিভিন্ন ৰাজ্যৰ মুখ্য মন্ত্ৰী। ৮০০০ গৰাকীতকৈয়ো অধিক অতিথিয়ে অনুষ্ঠানটোত ভাগ লৈছে।