স্থানীয় কলা আৰু সংস্কৃতিৰ প্ৰচাৰৰ ক্ষেত্ৰত এনএইচপিচিৰ নিৰন্তৰ প্ৰচেষ্টাৰ অংশ হিচাপে অসম আৰু অৰুণাচল প্ৰদেশৰ লোকশিল্পীসকলে নামনি সোৱণশিৰি জলবিদ্যুৎ প্ৰকল্পত এনএইচপিচিৰ ৪৮সংখ্যক প্ৰতিষ্ঠা দিৱস উদযাপনৰ সময়ত দৰ্শকক আকৰ্ষিত কৰে।
প্ৰকল্পৰ ওচৰৰ ধেমাজিৰ বৰদোলোনিৰ এটা সাংস্কৃতিক দলে এক সুন্দৰ বিহুনৃত্য প্ৰদৰ্শন আগবঢ়ায়। আনহাতে অৰুণাচলৰ কোলাপতুকাৰ গাঁৱৰ মহিলাসকলে তেওঁলোকৰ গালো লোকনৃত্যেৰে দৰ্শকসকলক মন্ত্ৰমুগ্ধ কৰে। প্ৰদৰ্শনসমূহ সকলো অতিথি আৰু দৰ্শকৰ দ্বাৰা প্ৰশংসিত হয়।
লগতে পঢ়ক: কিয় লাখ লাখ কোটি কোটি টকা বিলাই দিছে বিশ্বৰ অন্যতম ধনী ব্যক্তি জেফ বেজোছে?
ইয়াৰ পূৰ্বে, এনএইচপিচি লেডিজ ক্লাবৰ সভাপতি সীমা গুপ্তা আৰু নিগমৰ অন্যান্য জ্যেষ্ঠ বিষয়াসকলৰ উপস্থিতিত প্ৰকল্পটোৰ কাৰ্যবাহী সঞ্চালক বিপিন গুপ্তাই প্ৰদৰ্শনী আৰু খাদ্য বিপনিসমূহ উদ্বোধনৰ সৈতে নামনি সোৱণশিৰি প্ৰকল্পত ৪৮তম এনএইচপিচি প্ৰতিষ্ঠা দিৱস উদযাপন আৰম্ভ কৰে।
অনুষ্ঠানত ভাষণ প্ৰদান কৰি প্ৰকল্পটোৰ কাৰ্যবাহী সঞ্চালক বিপিন গুপ্তাই প্ৰকল্পটোৰ সৈতে জড়িত সকলো কৰ্মচাৰী, তেওঁলোকৰ পৰিয়ালৰ সদস্য আৰু আন সকলোকে শুভেচ্ছা জ্ঞাপন কৰে। তেওঁ সকলোকে তেওঁলোকৰ সমৰ্থন আগবঢ়াবলৈ আহ্বান জনায় যাতে এই সন্মানীয় প্ৰকল্পটো নিৰ্ধাৰিত সূচী অনুসৰি উদ্বোধন কৰিব পৰা হয়।
নামনি সোৱণশিৰি প্ৰকল্পত এইবছৰৰ উদযাপন বিশেষ গুৰুত্বপূৰ্ণ আছিল কাৰণ এনএইচপিচিৰ ৪৮সংখ্যক প্ৰতিষ্ঠা দিৱস উপলক্ষে এই প্ৰকল্পটোক শেহতীয়াকৈ ‘শ্ৰেষ্ঠ মূল্যাঙ্কিত নিৰ্মাণ প্ৰকল্প২০২১-২২’ বঁটা প্ৰদান কৰা হৈছে আৰু ইয়াৰ দলটোক ভাৰত চৰকাৰৰ মাননীয় কেন্দ্ৰীয় শক্তি আৰু নতুন আৰু নৱীকৰণ শক্তিমন্ত্ৰী আৰ কে সিঙে‘ দৃষ্টান্তমূলক সংকল্পবদ্ধ’ বঁটা প্ৰদান কৰে।
প্ৰতিষ্ঠা দিৱস উদযাপনত কৰ্মচাৰী আৰু তেওঁলোকৰ পৰিয়ালৰ সদস্য, বিদ্যালয়ৰ শিশুৰ লগতে ডিব্ৰুগড়ৰ এটা সংগীত আৰু সাংস্কৃতিক গোটে বিভিন্ন কলাসংস্কৃতি প্ৰদৰ্শন কৰে।
অনুষ্ঠানটোত প্ৰকল্পটোত নিয়োজিত সকলো কৰ্মচাৰী,মুখ্য ঠিকাদাৰৰ অতিথি, চিআইএছএফ গোট, কেন্দ্ৰীয় বিদ্যালয়, বিবেকানন্দ কেন্দ্ৰ বিদ্যালয়ৰ অতিথিসকলৰ লগতে প্ৰকল্প নগৰৰ অন্যান্য বাসিন্দাও উপস্থিত আছিল।
