এজন-দুজন বা ১০,২০ জন নহয়, লোক জনৰ সন্তানৰ সংখ্যা হৈছে ১৫০ জন।
কথাষাৰ শুনিবলৈ আচহুৱা যেন লাগিলেও এয়া এশ শতাংশই সঁচা কথা।
১৫০ গৰাকী সন্তানৰ পিতৃ এই লোক জনৰ নাম জো।
আমেৰিকাৰ ভাৰমণ্ট নিবাসী জোই চলিত বছৰত জন্ম দিয়া সন্তানৰ সংখ্যা হৈছে ১০ টা।
৫০ বছৰীয়া জোই আনকি লকডাউনৰ সময়তো সন্তান জন্ম দিয়াৰ পৰা বিৰত হোৱা নাই ।
ক’ৰ’ণাতংকৰ মাজতো তেওঁ অনবৰতে চিন্তা কৰি গৈছে নতুনকৈ কিদৰে আৰু বেছি সন্তান জন্ম দিয়াব পাৰি।
দৰাচলতে জো হৈছে এগৰাকী স্পাৰ্ম ডনাৰ। নিঃসন্তান মহিলাক তেওঁ বিগত বহু বছৰ ধৰি বীৰ্য দান কৰি আহিছে।
তেওঁ দান কৰা বীৰ্যৰে এতিয়ালৈকে বহু মহিলাই জন্ম দিছে ১৫০ টি সন্তান।
লকডাউনৰ সময়ত জো আৱদ্ধ হৈ পৰিছিল আৰ্জেণ্টিনাত. তাতো তেওঁ বীৰ্য দানৰ পৰা বিৰত খকা নাছিল।
এতিয়া জো গৈছে লণ্ডনলৈ। তাতো তেওঁ এনেয়ে বহি থকা নাই । নিঃসন্তান দম্পতিৰ মুখত হাঁহি বিৰিঙাবলৈ তেওঁ লণ্ডনতো চলাই গৈছে বীৰ্যদানৰ কাৰ্য।
জোৰ মতে এতিয়ালৈকে তেওঁ দান কৰা বীৰ্যৰে ১৫০ টি শিশুৰ জন্ম হৈছে আৰু ৫ টি শিশু জন্ম হোৱাৰ পথত।
এতিয়া লৈকে জন্ম পোৱা প্ৰায় ভাগ শিশুৰ মুখৰ সৈতে তেওঁৰ মুখৰ মিল থকা বুলি জোৱে গৌৰৱেৰে কয়।
