সুব্ৰমণিয়াম স্বামীৰ পিছত এইবাৰ মধুপূৰ্ণিমা কিশ্বৱাৰ। এসময়ত তেওঁৰ ঘনিষ্ঠ সাংবাদিক তথা হিন্দুত্ববাদী লেখিকা মধুপূৰ্ণিমা কিশ্বৱাৰে প্ৰধানমন্ত্ৰী নৰেন্দ্ৰ মোডীৰ বিৰুদ্ধে বিস্ফোৰক অভিযোগ উত্থাপন কৰিছে। দুয়োগৰাকীয়ে একে সময়তে দাবী কৰে যে প্ৰধানমন্ত্ৰীয়ে যৌনতাৰ বিনিময়ত একাধিক মহিলাক মন্ত্ৰী পদ প্ৰদান কৰিছে।
শেহতীয়াকৈ এটা প’ডকাষ্টত এপষ্টেইন ফাইলৰ বিষয়ে কওঁতে বিজেপি নেতা সুব্ৰমণিয়াম স্বামীয়ে বিস্ফোৰক অভিযোগ উত্থাপন কৰে। তেওঁ দাবী কৰে যে ভাৰতৰ প্ৰধানমন্ত্ৰীয়ে যৌন সম্পৰ্কৰ বিনিময়ত কেইবাগৰাকীও মহিলাক সাংসদ কৰিছে। আনকি বহুতেই প্ৰধানমন্ত্ৰীক মন্ত্ৰী হ’বলৈ ‘বিভিন্ন’ সেৱা আগবঢ়াইছে।
স্বামীয়ে দাবী কৰে যে এপষ্টাইনতো এটা সৰু কথা। আটাইতকৈ ডাঙৰ মূৰটোক এইবাৰ ধৰিব লাগে। তাৎপৰ্যপূৰ্ণভাৱে এসময়ত প্ৰধানমন্ত্ৰীৰ ঘনিষ্ঠ প্ৰাক্তন সাংবাদিক তথা লেখিকা মধুপূৰ্ণিমা কিশ্বৱাৰেও স্বামীৰ এই অভিযোগক সমৰ্থন কৰিছে।
এটা দীঘলীয়া পোষ্টত কিশ্বৱাৰে দাবী কৰে যে, “প্ৰধানমন্ত্ৰীয়ে কেৱল ঘনিষ্ঠতাৰ বিনিময়ত কিছুমান সাংসদক মন্ত্ৰী কৰি দিছে, তেওঁলোকৰ নাম হিন্দুত্ববাদী ৰাজনীতিবিদৰ মাজত ঘৰুৱা নাম। আনকি হৰদীপ সিং পুৰী আৰু এছ জয়শংকৰ মন্ত্ৰী হোৱাৰ সময়তো বহুতৰ মুখত শুনা গৈছিল যে তেওঁলোকে প্ৰধানমন্ত্ৰীক ‘বিশেষ সেৱা’ৰ ব্যৱস্থা কৰি দিছিল।”
ইয়াৰ পাছত কিশ্বৱাৰে প্রাক্তন শিক্ষামন্ত্রীজনৰ নাম উল্লেখ কৰি পোনপটীয়াকৈ মোডীক লক্ষ্য কৰি লয়৷ তেওঁ দাবী কৰে যে, “আনকি দ্বাদশ শ্ৰেণী উত্তীৰ্ণ স্মৃতি ইৰাণী কেনেকৈ মন্ত্ৰী হৈছিল তাৰ কাহিনীও জনসাধাৰণৰ পৰা লুকুৱাই ৰখা হৈছে। ২০১৪ চনত আমেৰিকালৈ যোৱাৰ সময়তো মই প্ৰধানমন্ত্ৰীৰ কৃতিত্বৰ কাহিনী শুনিছিলো।”
এইটো প্ৰথম নহয়, গুজৰাটৰ মুখ্যমন্ত্ৰী হৈ থকাৰ সময়তো মোডীৰ ‘লীলা-খেলা’ৰ বহু কাহিনী শুনা গৈছে। আৰ এছ এছৰ প্ৰচাৰক হৈ থকাৰ সময়তো মোডীৰ ‘লীলা-খেলা’ৰ বহু কাহিনী আৰ এছ এছ আৰু হিন্দুত্ববাদী মহলত প্ৰচাৰ হৈছিল।
এই মধুপূৰ্ণিমা কিশ্বৱাৰ যিকোনো ব্যক্তিত্ব নহয়। দীৰ্ঘদিন ধৰি হিন্দুত্ববাদী মতাদৰ্শৰ দ্বাৰা অনুপ্ৰাণিত এই লেখিকাগৰাকীয়ে আগতে সাংবাদিকতা কৰিছিল। ৰাষ্ট্ৰীয় পৰ্যায়ৰ কেইবাটা বঁটাও লাভ কৰিছে। কিশ্বৱাৰে প্ৰধানমন্ত্ৰী সন্দৰ্ভত এখন গ্ৰন্থও ৰচনা কৰিছে। এসময়ত প্ৰধানমন্ত্ৰীক জাতিৰ পিতা মহাত্মা গান্ধীৰ লগতো তুলনা কৰিছিল।
তাৎপৰ্যপূৰ্ণভাৱে তেওঁ দাবী কৰিছে যে প্ৰধানমন্ত্ৰীৰ ঘনিষ্ঠ সহযোগীসকলৰ পৰা তেওঁ ইমানবোৰ ‘পাপ’ৰ কাহিনী শুনিছে যে প্ৰধানমন্ত্ৰীৰ সৈতে একেখন মঞ্চত থাকিও অস্বস্তি অনুভৱ কৰিছিল। কিন্তু প্ৰধানমন্ত্ৰীগৰাকীক লৈ তেওঁৰ অভিযোগৰ সমৰ্থনত কোনো প্ৰমাণ দাঙি ধৰা নাই লেখিকাগৰাকীয়ে। এই সন্দৰ্ভত এতিয়ালৈকে প্ৰধানমন্ত্ৰীৰ কাৰ্যালয়ৰ পৰাও কোনো প্ৰতিক্ৰিয়া প্ৰকাশ পোৱা নাই।
