সমগ্ৰ দেশৰ লগতে হোজাইতো আজি আনন্দ উল্লাহেৰে হিন্দু ধৰ্মাৱলম্বী লোকসকলৰ পবিত্ৰ উৎসৱ মহা শিৱৰাত্ৰী পালন কৰি থকা হৈছে।
এই উপলক্ষে পুৱা ৫ বজাৰ পৰাই জিলাখনৰ বিভিন্ন শিৱমন্দিৰত শতাধিক ভক্ত ৰাইজৰ ভিৰ পৰিলক্ষিত হয়।
আনহাতে শিৱৰাত্ৰী উপলক্ষে মন্দিৰসমূহো বিভিন্ন ধৰণৰ ফুল আৰু আলোকসজ্জাৰে সজাই তোলা হৈছে।
হোজাইৰ লক্ষ্মীনাৰায়ণ মন্দিৰৰ পুৰোহিত ভিৰাট শৰ্মা আৰু সুনিল শাস্ত্ৰীয়ে এই সংবাদাতাৰ আগত প্ৰকাশ কৰা মতে ভগৱান শিৱৰ আশিৰ্বাদ বিচাৰি মন্দিৰটোলৈ অহা ভক্তপ্ৰাণ ৰাইজে বিভিন্ন ফল-মূল, গাখীৰ, ফুল, ধুপ-চাকিৰে পুজা আগবঢ়ায়।
ইয়াৰ উপৰি ৮৪ বছৰ পুৰণি ঐতিসাহিক বিশ্বনাথ মন্দিৰতো পুৱাৰে পৰা অগনন লোকৰ সমাগম দেখিবলৈ পোৱা যায়। মন্দিৰটোৰ মুখ্য পুৰোহিত গৰাকীয়ে জনোৱা মতে আজি আৱেলি ৪:২৮ বজাৰ পৰা আৰম্ভ হোৱা চতুৰ্দশী তিথি কাইলৈ পুৱা ৭:০৭ বজাত অন্ত পৰিব।
