বাক্সা জিলাৰ বৰমাত বৃহস্পতিবাৰে ৰাতিপুৱা সংঘটিত হোৱা এক পথ দুৰ্ঘটনাত এগৰাকী লোকৰ কৰুণ মৃত্যু হোৱা ঘটনাই সমগ্ৰ অঞ্চলটোত শোকৰ ছাঁ পেলাইছে।
দুৰ্ঘটনাটোৰ ফলত মৃত্যু হোৱা ব্যক্তি গৰাকী বৰমাৰ স্থানীয় বাসিন্দা কালিচৰণ তালুকদাৰ বুলি চিনাক্ত কৰা হয়।
জানিব পৰা মতে, ৰাতিপুৱা ৰাষ্ট্ৰীয় ঘাইপথৰ কাষেৰে প্ৰাত ভ্ৰমণলৈ ওলাই যোৱা কালিচৰণ দাসক গুৱাহাটী পৰা ধুবুৰী অভিমুখী এ এছ ০১ এল চি ৪১১১ নম্বৰৰ এখন যাত্ৰীবাহী বাছে মহতিয়াই লৈ যায়।
তীব্ৰবেগী যাত্ৰীবাহী বাছখনৰ খুন্দাত থিতাতে মৃত্যুক আকোৱালি ল’বলগীয়া হ’য় দুৰ্ভগীয়া কালিচৰণ দাসে।
দুৰ্ঘটনা সংঘটিত কৰিয়ে বাছখনৰ চালক আৰু হেণ্ডিমেনে দুৰ্ঘটনাস্থলীৰ পৰা পলায়ন কৰে।
আনহাতে, পৰৱৰ্তী সময়ত দুৰ্ঘটনাস্থলীত বৰমা আৰক্ষীৰ এটা দল উপস্থিত হৈ দুৰ্ঘটনা সংঘটিত কৰা বাছখন জব্দ কৰে।
স্থানীয় ৰাইজে বাছ চালকৰ দৌৰাত্মৰ বাবেই এনেদৰে এগৰাকী সাধাৰণ লোকে প্ৰাণ হেৰুৱাবলগীয়া হ’ল বুলি উল্লেখ কৰি তীব্ৰ বেগী বাহনৰ বিৰুদ্ধে আৰক্ষীক কঠোৰ হোৱাৰ বাবে আহ্বান জনায়।
