বোকাখাতৰ সমীপৰ কাৰ্বি আংলঙৰ কাকচাং জলপ্ৰপাতত গা ধুবলৈ উত্তৰ-প্ৰদেশৰ এজন যুৱকৰ সলিল সমাধি ঘটে। নিহত যুৱকজনৰ নাম গৌৰৱ গুপ্তা।
প্ৰাপ্ত তথ্য মতে উত্তৰ প্ৰদেশৰ কানপুৰৰ পৰা আহি যোৰহাটৰ বায়ু সেনাত টেকনিকেল বিভাগৰ এয়াৰ মেন কৰ্মচাৰী হিচাপে কৰ্মৰত চাৰি যুৱক গৌৰৱ গুপ্তা, হিমাংশু দিক্ষিত, বিজয় প্ৰতাপ সিং আৰু বিজয় প্ৰতাপ সিঙে আজি অৱসৰ বিনোদনৰ বাবে কাকচাং জলপ্ৰপাতত গা ধুবলৈ আহিছিল।
কিন্তু সাঁতুৰি থকা অৱস্থাতে দুৰ্ভাগ্যজনকভাৱে গৌৰৱ জলপ্ৰপাতটোৰ দ পানীত ডুব যায়। পিছত ডলামৰাৰ আৰক্ষীৰ সহযোগত এছ ডি আৰ এফৰ জোৱানে নিহত অৱস্থাত গৌৰৱ গুপ্তাক উদ্ধাৰ কৰে।
উল্লেখ্য যে প্ৰায় ৭মাহ পূৰ্বে বন্ধুৰ সৈতে পিকনিক খাবলৈ আহি যোৰহাটৰেই আন এজন যুৱকৰো কাকচাং জলপ্ৰপাতত সলিল সমাধি ঘটিছিল ৷
ইফালে আন এক ঘটনাত ২৪ মে’ৰ পৰা নিৰুদ্দেশ হৈ থকা বোকাখাত বৰচাপৰিৰ ভজন ঘাটোৱাৰ মৃতদেহ আজি পুৱা কুৰুৱাবাহীৰ চিনাকানত ধনশিৰি নদীৰ পাৰৰ পানী যুঁৱলিত উদ্ধাৰ হয়। অঞ্চলটোৰ জনপ্ৰিয় যুৱকজনৰ অকাল ম়ত্যুত সমগ্ৰ বোকাখাততেই শোকৰ ছাঁ পৰিছে ৷
তদুপৰি ইয়াৰ সমান্তৰালকৈ বোকাখাত নগৰৰ ৩ নং ৱাৰ্ডত দীনেশ ঘোষ নামৰ এজন লোকে আজি নিজৰ বাসগৃহতে আত্মহত্যা কৰে।