দেশৰ প্ৰধান মন্ত্ৰী নৰেন্দ্ৰ মোদীক ধনৰ বিনিময়ত হত্য়াৰ ভাবুকি প্ৰদান কৰি আৰক্ষীৰ হাতত গ্ৰেপ্তাৰ হবলগীয়া হৈছে পণ্ডিচেৰীৰ এগৰাকী ব্য়ক্তি।
সত্য়নন্দন নামৰ ব্য়ৱসায়ী গৰাকীয়ে কোনো ব্যক্তিয়ে তেওঁক পাঁচ কোটি টকা আদায় দিলে নৰেন্দ্ৰ মোদীক হত্যা কৰিবলৈ তেওঁ সাজু আছে বুলি ফেইচবুক যোগে উল্লেখ কৰে।
“যদিহে কোনো লোকে মোক ৫ কোটি টকা দিয়ে মই প্ৰধান মন্ত্ৰী নৰেন্দ্ৰ মোদীক হত্যা কৰিবলৈ সাজু আছো,” ব্যাক্তি গৰাকীয়ে লিখে।
এই ঘটনাৰ পাছতে আৰক্ষীয়ে তদন্ত আৰম্ভ কৰে আৰু তদন্তৰ ভিত্তিত ব্যাক্তি গৰাকীক আটক কৰিবলৈ সক্ষম হয়।
বৃহস্পতিবাৰে ব্য়ক্তি গৰাকীক আটক কৰা হয় আৰু আদালতৰ আগত হাজিৰ কৰোৱা হয়।
উল্লেখযোগ্য যে ইয়াৰ পূৰ্বেও বহু লোকে ছোচিয়েল মিডিয়াৰ মাধ্যমত প্ৰধান মন্ত্ৰী নৰেন্দ্ৰ মোদীৰ লগতে কেন্দ্ৰীয় গৃহ মন্ত্ৰী অমিত শ্বাহক হত্যাৰ ভাবুকি প্ৰদান কৰিছিল।
প্ৰধান মন্ত্ৰীক হত্যাৰ ভাবুকিৰ পাছতে ছোচিয়েল মিডিয়াত বিজেপি কৰ্মী সকলে এই ঘটনাক তীব্ৰ গৰিহণা প্ৰদান কৰি দোষীৰ উচিত শাস্তি দাবী জনাইছে।