শেহতীয়া ইতিহাসত ক্ৰীড়া জগতৰ আটাইতকৈ চমকপ্ৰদ ক্ৰছ অভাৰ চুক্তিখন মাথোঁ সময়ৰ অপেক্ষা! একাধিক সংবাদ মাধ্যমৰ প্ৰতিবেদনত এই কথা প্ৰকাশ পাইছে। প্ৰিমিয়াৰ লীগৰ জায়েন্ট মানচেষ্টাৰ ইউনাইটেডে এতিয়া ৰয়েল চেলেঞ্জাৰ বেংগালুৰুৰ সহায়ত আই পি এলৰ জগতত প্ৰৱেশ কৰিব বিচাৰিছে।
মানচেষ্টাৰ ইউনাইটেডৰ সহ-স্বত্তাধিকাৰী অভ্ৰাম গ্লেজাৰে আৰচিবি ক্ৰয়ৰ বাবে বৃহৎ ধনৰ প্ৰস্তাৱ দিছে। যোৱা বছৰ ৰজত পাটিদাৰৰ নেতৃত্বত ১৮ বছৰৰ পাছত এই ষ্টাৰ ফ্ৰেঞ্চাইজিয়ে খিতাপ দখল কৰিছিল। ইয়াতেই শেষ নহয়, স্মৃতি মান্ধনাৰ আৰ চি বিয়ে দুবাৰকৈ মহিলা প্ৰিমিয়াৰ লীগ (WPL) জয় কৰিছে।
বাতৰি অনুসৰি, গ্লেজাৰে তেওঁৰ বিনিয়োগ কোম্পানী লেন্সাৰ কেপিটেলৰ জৰিয়তে আৰ চি বি ক্ৰয়ৰ বাবে ১.৮ বিলিয়ন ডলাৰ (ভাৰতীয় মুদ্ৰাত প্ৰায় ১৬,৩০০ কোটি টকা)ৰ প্ৰস্তাৱ দাখিল কৰিছে! ফলত আৰ চি বি ক্ৰয়ৰ দৌৰত গ্লেজাৰ আটাইতকৈ শক্তিশালী নাম হিচাপে আত্মপ্ৰকাশ কৰিছে। এইবাৰ দেশৰ বাহিৰত প্ৰতিযোগিতাৰ দুৱাৰ মুকলি হৈছে।
আৰচিবিৰ বৰ্তমানৰ মালিক ডাইজেঅ’ই (ইউনাইটেড স্পিৰিটছ লিমিটেডৰ জৰিয়তে) যোৱা নৱেম্বৰ মাহত খিতাপ জয় কৰাৰ কেইমাহমানৰ পাছত ফ্ৰেঞ্চাইজিটো বিক্ৰী কৰাৰ সিদ্ধান্ত লৈছিল। ইফালে ভাৰতীয় ফাৰ্মা ব্যৱসায়ী আদৰ পুনাৱাল্লাকে ধৰি ৯ জনতকৈ অধিক নিবিদাকাৰীয়েও আগ্ৰহ প্ৰকাশ কৰিছে।
বহু প্ৰত্যাশিত আই পি এলত জয়লাভ কৰি নতুন চিন্তাৰ জন্ম দিছে আৰ চি বিয়ে। আৰু জানিব পৰা গৈছে যে ডায়েজিঅ’ই সিদ্ধান্ত লৈছে যে চেম্পিয়ন হোৱাৰ পিছত বিক্ৰীৰ বিষয়ে চোৱাৰ আটাইতকৈ উত্তম সময়। ফ্ৰেঞ্চাইজি হিচাপে আই পি এলৰ অন্যতম জনপ্ৰিয় দল আৰ চি বি বৰ্তমান আটাইতকৈ বেছি চাহিদা থকা দল। আই পি এল দলবোৰক ক্ৰমান্বয়ে ব্যৱসায়িক প্ৰধান সম্পদ হিচাপে দেখা গৈছে আৰু আৰ চি বি লীগৰ অন্যতম মূল্যৱান দল।
আৰ চি বিয়ে যি প্ৰস্তাৱ দিছে
আই পি এলৰ অন্যতম বৃহৎ অনুৰাগী
শক্তিশালী পৃষ্ঠপোষকতা আৰু ব্ৰেণ্ডিং শক্তি
সফল পুৰুষ আৰু মহিলা দল
ট্ৰফী জয় কৰাৰ পিছত ব্যাপক দাম বৃদ্ধি
গ্লেজাৰৰ এই অফাৰ বৰ্তমান ‘নন-বাইণ্ডিং’, অৰ্থাৎ এতিয়াও কোনো চূড়ান্ত চুক্তি স্বাক্ষৰিত হোৱা নাই। অৱশ্যে গ্লেজাৰৰ বিডক আন চাৰিটা বিডৰ সৈতে চৰ্টলিষ্ট কৰা হৈছে, অৰ্থাৎ গ্লেজাৰে আলোচনাৰ পৰৱৰ্তী পৰ্যায়ত উপনীত হৈছে। আৰ চি বিৰ এই নিবিদাও আছিল অত্যন্ত প্ৰতিযোগিতামূলক। ১ বিলিয়ন ডলাৰৰ পৰা ১.৮ বিলিয়ন ডলাৰৰ ভিতৰত! আৰু মানচেষ্টাৰ ইউনাইটেডৰ মূল্য আছিল আটাইতকৈ বেছি।
এই চুক্তি সম্পূর্ণ হ’লে মানচেষ্টাৰ ইউনাইটেডে আৰ চি বিৰ আই পি এল পুৰুষ দলৰ লগতে আৰ চি বিৰ ডব্লিউ পি এল মহিলা দলৰ মালিক হ’ব৷ ইতিমধ্যে গ্লেজাৰে ইউ এ ইৰ আই টি এল ২০ লীগত ডেজাৰ্ট ভাইপাৰছৰ মালিক লেন্সাৰ কেপিটেলৰ জৰিয়তে ক্ৰিকেটত বিনিয়োগ কৰিছে। মানচেষ্টাৰ ইউনাইটেডে বিশ্ব ক্ৰীড়াৰ অন্যতম ধনী ক্লাব, যাৰ মূল্য প্ৰায় ৪.৯ বিলিয়ন পাউণ্ড আৰু ২০২৫ চনৰ আৰম্ভণিতে গ্লেজাৰ পৰিয়ালৰ সম্পত্তি ১০ বিলিয়ন ডলাৰতকৈ অধিক হ’ব বুলি জনা গৈছে।
