হলিউডতো ভুমুকি মৰা জনপ্ৰিয় অভিনেতা ৰণদীপ হুদাৰ বিয়া ঠিক হৈছে মণিপুৰী মডেল, অভিনেত্ৰী লিন লাইচৰামৰ সৈতে।
লিন এগৰাকী আন্তঃৰাষ্ট্ৰীয় মডেল। প্ৰিয়ংকা চোপ্ৰা অভিনীত মেৰি কমত এক গুৰুত্বপূৰ্ণ চৰিত্ৰত তেওঁ অভিনয় কৰিছিল।
শ্বাহৰুখ খান নিৰ্মিত ঔম শান্তি ঔম দীপিকা পাডুকনৰ লগতে লিনৰো প্ৰথম বলিউদ ছবি আছিল।
তেওঁ উম্ৰিকা (২০১৫), ৰেংগুন (২০১৭) আৰু আভা মাৰিয়া (২০২০) আদি চিনেমাতো অভিনয় কৰিছে।
লিন বিখ্যাত কিংফিশ্বাৰ কেলেণ্ডাৰ গাৰ্লৰ অন্যতম মডেল। আৰু তেওঁ নিউ ইয়ৰ্কৰ গহনা ব্ৰেণ্ড অ’জৰু জুৱেলাৰিৰ ব্ৰেণ্ড এম্বেছেদৰ।
লিনক লৈ মণিপুৰত পূৰ্বে এক বিতৰ্কৰো সূত্ৰপাত হৈছিল। তেওঁ ছুইম ছুট পিন্ধি টিভিত ওলোৱা প্ৰথম মণিপুৰী মডেল।
অকল মডেলিং আৰু অভিনয়েই নহয়, লিন আৰ্চাৰিতো ৰাষ্ট্ৰীয় চেম্পিয়ন।
১৯৯৮ চনত তেওঁ চণ্ডীগড়ত ৰাষ্ট্ৰীয় আৰ্চাৰি প্ৰতিযোগিতাত তেওঁ জুনিয়ৰ নেচনেল চেম্পিয়ন আছিল।
লিনে জামছেদপুৰৰ টাটা আৰ্চাৰি একাডেমিৰ পৰা খেলবিধত প্ৰশিক্ষণ সম্পূৰ্ণ কৰিছে।
২০১৭ চনৰ মাৰ্চৰ লিনে শ্বামু ছানা নামৰ নিজা গহনাৰ এক ব্ৰেণ্ডো আৰম্ভ কৰিছে।
২০১৬ চনৰ পৰাই লিনক ৰনদীপৰ সৈতে বিভিন্ন সময়ত দেখা গৈছিল।
খবৰমতে, খুব সোনকালেই ৰনদীপে তেওঁৰ মাক-দেউতাকৰ সৈতে লিনক পৰিচয় কৰোৱাব আৰু তাৰ পিছতে দুয়ো বিবাহপাশত আবদ্ধ হ’ব।
