নিৱনুৱা সমস্যাৰ বাবেই হওঁক বা আন কোনো কাৰকৰ বাবেই হওঁক আলফা (স্বাঃ) লৈ গৈছে বহু উচ্চ-শিক্ষিত যুৱক-যুৱতী।
২০১৮ চনৰ মাজভাগৰ পৰা যোৱা ৬ মেলৈ আলফা (স্বাঃ)ত যোগ দিছে ২ শতাধিক উচ্চ শিক্ষিত যুৱক-যুৱতীয়ে।
একাংশ বুদ্ধিজীৱিৰ মন্তব্যৰ প্ৰত্যুত্তৰ দি সশস্ত্ৰ বিদ্ৰোহী সংগঠনটোৱে এই দাবী কৰিছে।
এটা সূত্ৰৰ পৰা আমি এই খবৰ লাভ কৰিছো।
২০১৮ চনৰ পৰা এতিয়ালৈ এগৰাকী পি এইচ ডি ডিগ্ৰীধাৰী, চাৰি গৰাকী অভিযন্তা, ৬ গৰাকী স্নাতকোত্তৰ আৰু ডেৰ
শতাধিক স্নাতক ডিগ্ৰীধাৰী যুৱক- যুৱতীয়ে আলফা (স্বাঃ) ত যোগদান কৰিছে বুলি তথ্য পোৱা গৈছে।
মাত্ৰ কিছুদিন পূৰ্বে জ্যেষ্ঠ সাংবাদিক তথা বুদ্ধিজীৱি ধীৰেন্দ্ৰ নাথ চক্ৰৱৰ্তীয়ে আলফা (স্বাঃ) লৈ যুৱক-যুৱতীৰ গমন সন্দৰ্ভত এটা মন্তব্য কৰিছিল।
আলফা (স্বাঃ)ত অশিক্ষিত যুৱক-যুৱতীয়েহে যোগ দি আছে বুলি তেওঁ মন্তব্য কৰিছিল।
ধীৰেন্দ্ৰ নাথ চক্ৰৱৰ্তীৰ মন্তব্যৰ পাছতে আলফা (স্বাঃ)ৰ এটা প্ৰতিক্ৰিয়াসূচক বাৰ্তা আমাৰ হাতত আহি পৰিছে।
সংগঠনটোৱে বাৰ্তাৰ লগত অতি শেহতীয়াভাৱে সংগঠনটোত যোগ দিয়া বহুকেইগৰাকী যুৱক-যুৱতীৰ শিক্ষাগত অৰ্হতাৰ কথা প্ৰকাশ কৰিছে।
তেওঁলোক হ’ল ক্ৰমে- গোলঘাট মৰঙীৰ ঋতুৰাজ বৰা, স্নাতক (কলা)
শদিয়াৰ জনাৰ্দন গগৈ, স্নাতক (কলা)
সৰুপথাৰৰ পদ্ম গগৈ, স্নাতক (বাণিজ্য)
বাক্সাৰ শালবাৰীৰ উদ্ধৱ দাস, স্নাতক (কলা)
ছিপাঝাৰৰ হিৰকজ্যোতি বৰা, স্নাতক (কলা)
শদিয়াৰ চানু গগৈ, স্নাতক (কলা)
ধেমাজীৰ পাৰ্থজিত কোঁৱৰ, স্নাতক (কলা)
মাৰ্ঘেৰিটাৰ মহন্ত বৰুৱা, স্নাতক (কলা)
লখিমপুৰৰ লালুকৰ শৰ্মিষ্ঠা শইকীয়া, স্নাতকোত্তৰ (কলা)
মৰাণৰ খোৱাং চৰাইবাহীৰ অভিলেষ বৰা, স্নাতক (বিজ্ঞান)
মুছলপুৰৰ সৌৰভ ৰাজবংশী, স্নাতক (বিজ্ঞান)
ওদালগুৰিৰ ভেৰগাঁৱৰ জাকাৰিয়া আহমেদ, স্নাতক (কলা)
সোণাৰীৰ পৰাগজ্যোতি চেতিয়া, স্নাতক (কলা)
ৰঙিয়াৰ ৰিংকু আহমেদ, গীতানগৰৰ মানৱ ডেকা, কনিষ্ঠ অভিযন্তা
কাকপথাৰৰ অচ্যুত নেওগ, স্নাতক (কলা)
কাকপথাৰৰ মমতা নেওগ, ওদালগুৰিৰ পানেৰীৰ হিমাংশু ভূঞা, স্নাতক (বিজ্ঞান)
গোৱালপাৰাৰ লক্ষীপুৰৰ চাইফুল ইছলাম, বি ফাৰ্ম
আলফা(স্বাঃ)লৈ এইদৰে যুৱক-যুৱতীৰ গমনৰ তথ্য প্ৰকাশ পাই থকাটো নিত্যান্তই চিন্তনীয় বিষয়।
কি কাৰণত এনেদৰে বহু যুৱক-যুৱতীয়ে সৃগ্ৰামৰ কাঁইটীয়া পথত খোজ দিছে সেয়া পৰ্যালোচনা কৰাৰ সময় এতিয়া আহি পৰিছে।
আলোচনাৰ মাধ্যমেৰে সমস্যাৰ ওৰ পেলোৱাৰ ক্ষেত্ৰত চৰকাৰে সোনকালে পদক্ষেপ গ্ৰহণ কৰাটো এতিয়া সময়ৰ দাবী হৈ পৰিছে বুলি সচেতন মহলে মত প্ৰকাশ কৰিছে।