ৰাজনীতিৰ দুৰন্ত তৰুণ তথা নিকা ভাবমূৰ্তিৰ প্ৰাক্তন মুখ্যমন্ত্ৰী তৰুণ গগৈ এতিয়া শয্যাগত।
ৰাজ্যত সৰ্বাধিক কালৰ বাবে শাসনৰ বাঘজৰী নিজৰ দখলত ৰাখি এতিয়া জিএমচিএইছত শয্যাগত প্ৰাক্তন মুখ্যমন্ত্ৰীগৰাকী।
কালি আবেলিৰ পৰা প্ৰতি মুহূৰ্তত স্বাস্থ্যৰ অৱনতি ঘটা প্ৰাক্তন মুখ্যমন্ত্ৰী এতিয়া মেকানিকেল ভেল্টিলেশ্যনত চিকিৎসাধীন হৈ আছে।
গগৈৰ দেহত বৃদ্ধি পাইছে পটেছিয়াম। গতিকে বিয়লি প্ৰায় ৩:৩০ বজাৰ পৰা তেওঁৰ দেহৰ পৰা পটাছিয়াম বাহিৰ কৰিবৰ বাবে দি থকা হৈছে ডায়লেচিছ।
ইতিমধ্যে, জিএমচিএইছত পিতৃৰ কাষত উপস্থিত হৈছে পুত্ৰ গৌৰৱ গগৈ, জিয়ৰী চন্দ্ৰিমা গগৈ আৰু বোৱাৰী এলিজাবেথ কলবাৰ্ণ আহি উপস্থিত হৈছেহি।
ইপিনে, জিএমছিএইছৰ চৌহদত প্ৰাক্তন মুখ্যমন্ত্ৰীগৰাকীৰ আশু-আৰোগ্য কামনা কৰি সকলোৱে প্ৰাৰ্থনা কৰাৰ লগতে ৰাজ্যৰ চৌদিশে চাকি-বন্তি জ্বলাই প্ৰাক্তন মুখ্যমন্ত্ৰীগৰাকীৰ হৈ সকলোৱে ঈশ্বৰৰ ওচৰত প্ৰাৰ্থনা কৰিছে।
আজি পুৱা অলপ সময়ৰ বাবে চকু মেলিছিল প্ৰাক্তন মুখ্যমন্ত্ৰী তৰুণ গগৈয়ে।
আনহাতে এতিয়াও পৰৱৰ্তী ২৪ ঘণ্টালৈকে সম্পূৰ্ণ সংকটমুক্ত বুলি গগৈক ক’ব নোৱাৰি বুলি ব্যক্ত কৰিছে জিএমছিএইছৰ অধীক্ষক অভিজিত শৰ্মাই।
উল্লেখযোগ্য যে, কালিৰে পৰা non invensive ভেন্টিলেশ্যনত স্বাস্থ্যৰ অৱনতি ঘটা বাবে মেকানিকেল ভেন্টিলেশ্যনত চিকিৎসা চলাই থকা হৈছে প্ৰাক্তন মুখ্যমন্ত্ৰীগৰাকী।
টিউবৰ সহায়ত কৃত্ৰিমভাৱে ভেন্টিলেশ্যনত উশাহ-নিশাহ লোৱাত সহায় কৰি থকা হৈছে গগৈক।
কালি আবেলিৰ পৰা গগৈৰ স্বাস্থ্য অলপ শোচনীয়ৰ ফালে গতি কৰিছিল। গগৈৰ কিডনী, হৃদপিণ্ড, লিভাৰৰ সাধাৰণ অৱস্থা বা ক্ৰিয়া প্ৰক্ৰিয়া যথেষ্ট পৰিমাণে কমি গৈছিল।
কৃত্ৰিমভাৱে শ্বাস-প্ৰশ্বাস লৈ থকাৰ পিছতো কিডনী ,হাৰ্টৰ কামবোৰ স্বাভাৱিক হ’বৰ বাবে যিখিনি ঔষধ প্ৰয়োজন সেয়া সমান্তৰালকৈ যোগান ধৰি থকা হৈছে।