সমগ্ৰ অসম তথা দেশ জোঁকাৰি যোৱা ঐতিহ্য মণ্ডিত বটদ্ৰবা কাণ্ডৰ মাষ্টাৰ মাইণ্ড বুলি অসম আৰক্ষীয়ে দাবী জনাইছে ।তেনে ক্ষেত্ৰত আৰক্ষী হাতৰ পৰা পলাবলৈ চেষ্টা কৰি আশ্বিকুল ইছলাম নিহত হোৱাটো অতি দুৰ্ভাগ্য জনক ।
কিয়নো অসম আৰক্ষীক সকলোৱে শান্তিৰক্ষী প্ৰহৰী হিচাপে গণ্য কৰে । মৃত্যু মানে বেদনাদায়ক ই যি মৃত্যুয়েই নহওঁক ।অপৰাধী গৰাকী কেনেকৈ কি পৰিস্থিতিত মৃত্যু হ’ল তাৰ উচিত তদন্ত কৰি উপযুক্ত ব্যৱস্থা কৰিবলৈ মানৱ অধিকাৰ সংগ্ৰাম সমিতি,মাছৰ কেন্দ্ৰীয় সমিতিৰ অধ্যক্ষ আদিত্য লহকৰ, কাৰ্যকৰী অধ্যক্ষ কেশৱ চন্দ্ৰ চহৰীয়া, ভাৰপ্ৰাপ্ত সচিব প্ৰধান লক্ষী প্ৰসাদ ডেকাই দাবী জনাইছে।
অসমত আৰক্ষীৰ হাতত এনেদৰে মৃত্যু হোৱা ঘটনা কোনো নতুন নহয় ।সৰ্ব সাধাৰণৰ ধাৰণা অসম আৰক্ষীয়ে ন-ন কৌশল প্ৰয়োগ কৰা বুলি ধাৰণা কৰি ই এক নতুন এনকাউন্টাৰ । তদুপৰি মুক্ত হত্যাৰ পাতনি মেলিছে ।
অপৰাধীক বিচাৰ প্ৰক্ৰিয়ালৈ নপঠিয়াই মৃত্যু দণ্ডৰে দণ্ডিত কৰাটো মানৱ অধিকাৰ চৰম উলংঘন কৰিছে । স্বয়ং আৰক্ষীৰ বাহনৰ পৰা তাকো আৱেষ্টনিৰ মাজত জাপ মাৰি পলায়নৰ চেষ্টা কৰাতো অতি হাস্যকৰ দুখঃজনক। এই কথাই প্ৰতীয়মান কৰিছে আৰক্ষীৰ দায়িত্ব হীনতা প্ৰকৃত দোষী হিচাপে অসম আৰক্ষীয়ে গণ্য কৰা স্বত্বেও অপৰাধী জনৰ ক্ষেত্ৰত উচিত তদন্তৰ খাতিৰত অধিক সৰ্তক হোৱাটো দৰকাৰ আছিল ।
ইমান বেষ্টনীৰ মাজত তেনেকৈ পলাই যাবলৈ চেষ্টা কৰাটো অতি দুভাৰ্গ্যজনক ঘটনা ।এই ক্ষেত্ৰত আৰক্ষী যিমান ধৰণৰ ব্যৱস্থা আৰু তৎপৰ হ’ব লাগিছিল কিয় নহ’ল ইয়াত কিবা ৰহস্য আছে নেকি বুলিও কয় ।
অতি শীঘ্ৰে উপযুক্ত তদন্ত কৰি উচিত শাস্তি প্ৰদান কৰি শান্তিৰ পৰিৱেশ আনিবলৈ মাছে দাবী জনাই ইয়াকো কয় অপৰাধী বিচৰা নামত নিৰপৰাধী ব্যক্তি কোনো ধৰণৰ হাৰাশাস্তি নহয় আৰু মানৱ অধিকাৰ উলংঘন নহয় তাৰ প্ৰতিও আৰক্ষী প্ৰশাসনক দৃষ্টি ৰাখি আইনৰ আওতালৈ আনি বিচাৰ প্ৰক্ৰিয়া কৰিবলৈ আহ্বান জনায়।