ৰিহাবাৰী আঞ্চলিক উন্নয়ন সমিতিৰ উদ্যাগত আৰু ৰিহাবাৰী আঞ্চলিক ছাত্ৰ সন্থাৰ লগতে জননী মহিলা সমিতি আৰু স্থানীয় ৰাইজৰ সহযোগত মদ, ভাং, জুৱা, তীৰ খেল আৰু বিভিন্ন অসামাজিক উৎপীড়ন অত্যাচাৰ ৰোধ কৰাৰ দাবীত আজি বহু লোকে প্ৰতিবাদী সমদলেৰে প্ৰতিবাদ সাব্যস্ত কৰাৰ লগতে এক সজাগতা সভাৰো আয়োজন কৰে।
প্ৰতিবাদী সমদলত ৰিহাবাৰী অঞ্চলৰ ৰাইজে মদ বিক্ৰী বন্ধ কৰক, নৱপ্ৰজন্মৰ জীৱনক লৈ হেতালি নেখেলিব, তীৰ খেল বৰ্জন কৰক, জুৱা খেল বন্ধ কৰক আদি শ্লোগানেৰে ৰাজপথ উত্তাল কৰি তোলে।
ইফালে সমদলৰ অন্তত অনুষ্ঠিত হোৱা সজাগতা সভাত সমগ্ৰ অসমৰ লগতে দিনক দিনে ৰিহাবাৰী বজাৰত মদ, ভাং, জুৱা, তীৰ খেল আদিৰ দৰে নিচাযুক্ত সামগ্ৰীৰ প্ৰচলনৰ লগতে জুৱা আৰু তীৰ খেলৰ প্ৰকোপ অভাৱনীয়ভাৱে বৃদ্ধি পাইছে বুলি ৰিহাবাৰী স্থানীয় ৰাইজে মন্তব্য কৰে।
যাৰ ফলত ৰিহাবাৰী অঞ্চলৰ বহু নাৰী স্বামীহাৰা হোৱাৰ লগতে নৱপ্ৰজন্মৰ ভৱিষ্যত অন্ধকাৰৰ ফালে ঠেলি দিয়া বুলি স্থানীয় ৰাইজে মন্তব্য কৰা দেখা যায়।
আনহাতে এই ক্ষেত্ৰত উচিত ব্যৱস্থা গ্ৰহণৰ বাবে ৰিহাবাৰী আঞ্চলিক ছাত্ৰ সন্থাই বজালী মহকুমা প্ৰশাসনক সংবাদ মাধ্যমৰ জৰিয়তে দাবী জনায়। নহ’লে ভৱিষ্যতে তীব্ৰ প্ৰতিবাদী আন্দোলন গঢ়ি তুলিব বুলি হুংকাৰ দিয়ে।