শিলসাঁকোৰ অমানৱীয় উচ্ছেদ বন্ধ কৰা আৰু উচ্ছদিত সকলো লোককে পুনৰ সংস্থাপনৰ সু ব্যৱস্থাৰ দাবীত মুখ্যমন্ত্ৰী, ৰাজহমন্ত্ৰী, উপায়ুক্তলৈ আজি কামৰূপ মহানগৰ জিলাৰ অতিৰিক্ত উপায়ুক্ত বিক্ৰম ছেত্ৰীৰ জৰিয়তে কৃষক মুক্তি আৰু উচ্ছেদিতৰ প্ৰতিনিধিৰ তৰফৰ পৰা প্ৰেৰণ কৰা হয় স্মাৰক পত্ৰ।
কেন্দ্ৰীয় সভাপতি দেৱেন শৰ্মা, সাধাৰণ সম্পাদক বিদ্যুৎ শইকীয়া আৰু মুখ্য সাংগঠনিক সম্পাদক আকাশ দলে উপস্থিতিত স্মাৰক পত্ৰ প্ৰেৰণ কৰা হয়।
তেওঁলোকৰ দাবীসমূহ ক্ৰমে :
১) গুৱাহাটীৰ শিলসাঁকো বিলৰ পাৰত বসবাস কৰা থলুৱা পৰিয়ালসমূহৰ ওপৰত চলোৱা অমানবীয় উচ্ছেদ বন্ধ কৰা আৰু জলাশয়ৰ পাৰত দীর্ঘদিন ধৰি বসবাস কৰি অঞ্চলমূহল এক পূৰ্ণাংগ জৰীপ সম্পন্ন কৰি পর্যায়ক্রমে থলুৱা পৰিয়ালসমূহ মাটিৰ পট্টা দিয়াৰ ব্যৱস্থা কৰা।
২) শেহতীয়াকৈ উচ্ছেদিত সমূহ লোকক উপযুক্ত ক্ষতিপূৰণ আৰু বিকল্প ভূমি প্ৰদান কৰি পুনৰ সংস্থাপনৰ ব্যৱস্থা কৰা।
(৩) গুৱাহাটীৰ বিভিন্ন বিল, আদ্ৰভূমি, পাহাৰ এলেকা, আৰু অন্যান্য চৰকাৰী ভূমিত বসবাস কৰা লোকসকলৰ ব্যৱস্থা শীঘ্ৰে গ্ৰহণ কৰক।
প্ৰতিটো থলুৱা পৰিয়ালক ডেৰ কঠাকৈ মাটি দিয়াৰ ব্যৱস্থা কৰক।
৪) গুৱাহাটী মহানগৰীৰ বৃহৎ ভূমি অধিগ্ৰহণ কৰি থকা অথবা অবৈধভাবে ভূমিস্বত্ব গ্রহণ কৰি থকা ৰাজনীতিক, পুজিপতি ব্যবসায়ী, তথাকথিত স্বেচ্ছাসেবী সংগঠন প্রতিষ্ঠান আদিন কবলৰ পৰা চৰকাৰী ভূমি উদ্ধাৰ কৰাৰ বাবে চৰকাৰে পদক্ষেপ গ্রহণ কৰি উচ্ছেদ অভিযানৰ ব্যৱস্থা কৰিব লাগে।