ৰাছিয়া, চীন আৰু ইৰাণৰ হেকাৰে আমেৰিকাৰ ৰাষ্ট্ৰপতি নিৰ্বাচনৰ প্ৰচাৰত জড়িত হৈ থকা ব্যক্তি আৰু গোট সমূহক আক্ৰমণৰ লক্ষ্য হিচাপে লোৱাৰ অভিযোগ উত্থাপন কৰিছে মাইক্ৰ’ছফ্টে।
মাইক্ৰ’ছফ্টে উল্লেখ কৰা অনুসৰি দীৰ্ঘদিনৰ পৰা ৰাছিয়া, চীন আৰু ইৰাণৰ ইণ্টাৰনেট হেকাৰ সকলে আমেৰিকাৰ নিৰ্বাচনত প্ৰভাৱ বিস্তাৰ কৰাৰ বাবে প্ৰচেষ্টা অব্যাহত ৰাখিছে।
মাইক্ৰ’ছফ্টৰ মতে, চাইনীজ হেকাৰে ডেম’ক্ৰেটিক দলৰ ৰাষ্ট্ৰপতি পদৰ প্ৰাৰ্থী জ’ বিদেনৰ সৈতে জড়িত হৈ থকা লোক সকলক বা গোটক আক্ৰমণৰ লক্ষ্য বান্ধি লৈছে।
আনহাতে, ইৰাণৰ হেকাৰ সকলে ৰাষ্ট্ৰপতি ড’নাল্ড ট্ৰাম্পৰ সৈতে জড়িত থকা লোক সকলৰ ব্যক্তিগত একাউণ্ট হেক কৰাৰ বাবে চেষ্টা চলায় আছে।
আমেৰিকাৰ ৰাষ্ট্ৰপতি নিৰ্বাচনৰ ৰিপাব্লিকান দলৰ প্ৰাৰ্থী ড’নাল্ড ট্ৰাম্পে বহূ পূৰ্বে চাইনীজ আৰু ৰাছিয়াৰ হেকাৰে আমেৰিকাৰ ৰাষ্ট্ৰপতি নিৰ্বাচনত প্ৰভাৱ বিস্তাৰ কৰিবলৈ চেষ্টা চলাই থকাৰ অভিযোগ উত্থাপন কৰিছিল।