বৃহত্তৰ মাৰ্ঘেৰিটা সমষ্টিৰ একমাত্ৰ অসামৰিক চিকিৎসালয়খনক ৩০০ বিছনাযুক্ত চিকিৎসালয়লৈ ৰূপান্তৰ কৰিবৰ বাবে কেন্দ্ৰীয় চৰকাৰৰ তৰফৰ পৰা প্ৰায় ১৪ কোটি টকাৰ অনুমোদন লাভ কৰিছে।
আজি কেন্দ্ৰীয় মন্ত্ৰী ৰামেশ্বৰ তেলী মাৰ্ঘেৰিটাৰ অসামৰিক চিকিৎসালয়ত উপস্থিত হৈ এটি স্থায়ী ভৱনৰ আধাৰশিলা স্থাপন কৰে।
মন্ত্ৰী গৰাকীয়ে চিকিৎসালয়খনৰ আঁন্তগাঠনি পৰিদৰ্শন কৰাৰ লগতে চিকিৎসালয় খনত থকা চিকিৎসক তথা ৰোগী সকলৰ সৈতে বহু সময় ধৰি মতবিনিময় কৰে৷
মন্ত্ৰী ৰামেশ্বৰ তেলীৰ সৈতে উপস্থিত থাকে মাৰ্ঘেৰিটা সমষ্টিৰ স্থানীয় বিধায়ক ভাস্কৰ শৰ্মা।
উল্লেখ যে মাৰ্ঘেৰিটা সাংবাদিক সংস্থাৰ দীৰ্ঘদিনিয়া দাবীৰ লগতে স্থানীয় একাংশ দল সংগঠনে সময়ে সময়ে মাৰ্ঘেৰিটা অসামৰিক চিকিৎসালয় খন ৩০০ বিচনাযুক্ত কৰিবলৈ দাবী জনাই আহিছিল।
অন্যহাতে প্ৰাক্তন ৰাজ্যিক স্বাস্থ্য মন্ত্ৰী পিযুছ হাজৰিকাও মাৰ্ঘেৰিটা এই চিকিৎসালয়খন উপস্থিত হোৱাৰ সময়ত সাংবাদিকৰ আগত প্ৰতিশ্ৰুতি প্ৰদান কৰাৰ লগতে তেতিয়াৰ স্বাস্থ্য মন্ত্ৰী আৰু বৰ্তমানৰ মুখ্যমন্ত্ৰী হিমন্ত বিশ্ব শৰ্মৰ সৈতে এই সম্পৰ্কে আলোচনা কৰি ব্যৱস্থা গ্ৰহণৰ প্ৰতিশ্ৰুতি প্ৰদান কৰিছিল।