কৰ’না পৰিস্থিতিৰ বাবে চৰকাৰে জাৰি কৰা আংশিক লকডাউনৰ সান্ধ্য আইন চলি থকাৰ মাজতে সংঘটিত হৈছে এক গাড়ী চুৰিৰ ঘটনা।
তিনিচুকীয়া জিলাৰ মাৰ্ঘেৰিটা নগৰৰ মাজমজিয়াত সংঘটিত হোৱা এই গাড়ী চুৰিৰ ঘটনাই চাঞ্চল্যৰ সৃষ্টি কৰিছে।
ঘৰৰ গেটৰ তলা ভাঙি পুৱতি নিশা মাৰ্ঘেৰিটা পৌৰসভাৰ ১ নং ৱাৰ্ডৰ নিবাসী জ্যোতিষ ৰায়ৰ নিজ বাসগৃহৰ পৰা AS-23w-2747 নম্বৰৰ বগা ৰঙৰ বলেৰ’ বাহনখন চুৰি কৰি দুৰ্বৃত্ত উধাও হয়।
ৰায় মাৰ্ঘেৰিটাৰ বিধায়ক ভাস্কৰ শৰ্মাৰ ঘনিষ্ঠ তথা ভাস্কৰ শৰ্মা ফেনচ ক্লাবৰো সভাপতি। ইতিমধ্যে আৰক্ষীয়ে ঘটনাৰ তদন্ত আৰম্ভ কৰিছে।
গুৰুত্বপূৰ্ণ কথাটো হ’ল মাৰ্ঘেৰিটাত এইয়া নতুন ঘটনা নহয়। বিভিন্ন সময়ত চহৰখনত গাড়ী, মটৰ চাইকেল চুৰি হৈ আহিছে।
