দুদিন ধৰি নিৰুদ্দেশ হৈ থকাৰ পিছত পঞ্চাশ বছৰীয়া এগৰাকী মহিলাৰ মৃতদেহ প্লাষ্টিকেৰে মেৰিয়াই থোৱা অৱস্থাত উদ্ধাৰ কৰা হয়! ৰাজস্থানৰ যোধপুৰৰ এই ঘটনাত মৃতদেহটো ৬ টুকুৰা কৰি কাটি পেলোৱা বুলি আৰক্ষীয়ে জানিবলৈ দিয়ে। পেছাত এগৰাকী বিউটিচিয়ান, মহিলাগৰাকীৰ ঘৰৰ সমীপৰ মাটিৰ তলৰ পৰা উদ্ধাৰ কৰা হয় মৃতদেহটো।
আৰক্ষীৰ তথ্য অনুসৰি সোমবাৰৰ পৰা নিৰুদ্দেশ হৈ আছিল অনিতা চৌধুৰী নামৰ মহিলাগৰাকী। খবৰ অনুসৰি তেওঁ দুপৰীয়া নিজৰ পাৰ্লাৰ বন্ধ কৰি দিছিল যদিও ৰাতিলৈকে ঘৰলৈ উভতি নাহিল। পিছদিনা স্বামীয়ে আৰক্ষীক সন্ধানহীন হোৱাৰ গোচৰ দাখিল কৰে। ইয়াৰ পিছতে আৰক্ষীয়ে তালাচী চলাই মৃতদেহটো উদ্ধাৰ কৰে।
লগতে পঢ়কঃ ইজৰাইলৰ প্ৰকাশন সংস্থাসমূহক বৰ্জন কৰিলে বিশ্বৰ ১ হাজাৰ গৰাকী আগশাৰীৰ লেখকে
প্ৰাথমিক তদন্ত অনুসৰি এই ঘটনাৰ বাবে দায়ী গুলামুদ্দিন ওৰফে গুল মহম্মদ। তেওঁৰ পাৰ্লাৰ থকা একেটা বিল্ডিঙতে অনিতাৰ দোকান আছিল। দুয়োৰে মাজত ভাল চিনাকিও গঢ় লৈ উঠে।
আৰক্ষীয়ে তদন্ত কৰি গম পায় যে সোমবাৰে পাৰ্লাৰ বন্ধ কৰাৰ পিছত তেওঁ অটো এখন লৈ ওলাই গৈছিল। সেই অটোৱালাজনক বিচাৰি উলিয়াই সোধা-পোছা কৰাৰ পিছত গম পোৱা গ’ল যে অনিতা গংগানা অঞ্চললৈ গৈছে। তাতেই গুলামুদ্দিনৰ ঘৰ।
তাত উপস্থিত হোৱাৰ লগে লগে আৰক্ষীয়ে গুলামুদ্দিনৰ পত্নীক লগ পায় আৰু গম পায় যে তেওঁ যোৱা তিনিদিন ধৰি ভনীয়েকৰ ঘৰত আছিল। ইয়াৰ পিছত তেওঁ জেৰাৰ সন্মুখত স্বীকাৰ কৰে যে গুলামুদ্দিনেই অনিতাক হত্যা কৰি মৃতদেহটো পুতি থৈছিল। তেনেকৈয়ে বুলডজাৰেৰে মাটি খান্দি খণ্ডিত কৰা মৃতদেহটো উদ্ধাৰ কৰা হয়।
লগতে পঢ়কঃ ওজন হৈছিল ১৭ কেজি! ডায়েট কন্ট্ৰোলৰ পিছতেই মৃত্যু ঘটিল বিশ্বৰ আটাইতকৈ মোটা মেকুৰীটোৰ
মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে। অভিযুক্তৰ সন্ধানত অভিযান অব্যাহত আছে। এই নৃশংস হত্যাকাণ্ড কিয় সংঘটিত হ’ল সেয়া জানিবলৈ চেষ্টা কৰিছে আৰক্ষীয়ে।
