প্ৰথমবাৰৰ বাবে ৰাষ্ট্ৰীয় পৰ্যায়ত অনুষ্ঠিত হোৱা এই খেলখন ফুটবলপ্ৰেমীয়ে চাবলৈ উৎসুকতাৰে বাট চাই আছিল। শুকুৰবাৰে বিয়লি তিনি বজাত অসম-নাগালেণ্ড দলৰ মাজত খেল অনুষ্ঠিত হোৱাৰ লগে লগেই ৰাষ্ট্ৰীয় পৰ্যায়ত মিকটছ ফুটবল প্ৰতিযোগিতাৰ শুভাৰম্ভ হয়।
ইপিনে খেল অনুষ্ঠিত হোৱাৰ আগে আগে ৰাষ্ট্ৰীয় মিকটছ ফুটবল ফেডাৰেচনৰ পতাকা উত্তোলন কৰে ফেডাৰেচনৰ প্ৰতিষ্ঠাপক তথা সম্পাদক হামছা কটনাডে।
ৰাজ্যিক মিকটছ ফুটবল এছ’চিয়েচনৰ পতাকা উত্তোলন কৰে এছ’চিয়েচনৰ ভাৰপ্ৰাপ্ত সভাপতি তথা দুধনৈ সমষ্টিৰ প্ৰাক্তন বিধায়ক দীপক কুমাৰ ৰাভাই। আয়োজক সমিতিৰ পতাকা উত্তোলন কৰে আয়োজক সমিতিৰ সভাপতি তথা দুধনৈ সমষ্টিৰ বিধায়ক যাদৱ স্বৰ্গীয়াৰীয়ে।
লগতে পঢ়ক: দিল্লীৰ বহুমহলীয়া অট্টালিকাত ভয়াবহ অগ্নিকাণ্ড; অগ্নিদগ্ধ হৈ ২৭ জনৰ মৃত্যু, আহত বহুলোক
প্ৰতিযোগিতাৰ সময়ত এছিয়ান মিকটছ ফুটবল এছ’চিয়েচনৰ সম্পাদক ডুঙ্গৰ সিং শেখাৱতে উপস্থিত থাকি খেলুৱৈ সকলক উৎসাহিত কৰে।
উল্লেখযোগ্য যে এই নতুন ফুটবল খেল উপভোগ কৰিব পৰাকৈ এই প্ৰতিযোগিতাৰ আয়োজন কৰা হৈছে বুলি জানিবলৈ দিছে আয়োজক সমিতিয়ে।
প্ৰতিযোগিতাখনত অসম, নাগালেণ্ড, অৰুণাচল, কেৰেলা, ৰাজস্থান, মেঘালয়, নৰ্থ-ইষ্ট আৰু পশ্চিম বংগ মিকটছ ফুটবল দলে অংশগ্ৰহণ কৰিছে। খেলসমূহ লীগ পৰ্যায়ত অনুষ্ঠিত হ’ব।
এই মিকটছ ফুটবল খেলৰ নিয়ম অনুসৰি এটা দলত ৭ জনকৈ খেলুৱৈ থাকে। ইয়াৰে ৪ গৰাকী পুৰুষ আৰু ৩ গৰাকী মহিলা খেলুৱৈ।
লগতে পঢ়ক: ”অৰবিন্দ কেজৰিয়াল কামৰ মানুহ”-যোৰহাটত আম আদমি পাৰ্টিত যোগদান, বিশাল সমদল
সামৰণিৰ দিনাখন অসম চৰকাৰৰ ক্ৰীড়া আৰু যুৱ কল্যাণ মন্ত্ৰী বিমল বৰা, তথ্য আৰু জনসংযোগ, পৰ্যটন বিভাগৰ মন্ত্ৰী পিযুষ হাজৰিকা, মাজুলীৰ বিধায়ক ভুৱন গাম উপস্থিত থাকিব।
