এইবাৰ বিভাগীয় মন্ত্ৰী নহয়, বিৰোধী বিধায়ক অখিল গগৈয়ে কৰিলে তদাৰক কৰিলে নিৰ্মীয়মান পথৰ।
নিম্নমানৰ কাম কৰাৰ বাবে ঠিকাদাৰক ধমক অখিল গগৈৰ।
ঠিকা কাম আবন্টনৰ নামত শিৱসাগৰত শাসকীয় দলৰ নেতা পালিনেতাক কমিচনৰাজ চলাবলৈ দিয়া নহব বুলি স্পষ্ট কৰি দিয়ে বিধায়ক অখিল গগৈয়ে।
নিৰ্মীয়মান ৰাস্তা খান্দি চৰজমিন তদন্ত বিধায়ক অখিল গগৈৰ।
নিৰ্মাণ কাৰ্য পুনৰ সঠিকভাৱে নকৰিলে বিভাগীয় কৰ্তৃপক্ষৰ তথা ঠিকাদাৰৰ বিৰুদ্ধে নিজাববীয়াকৈ গোচৰ তৰিব বুলি স্পষ্ট কৰি দিয়ে বিধায়ক অখিল গগৈয়ে।
উল্লেখ্য যে মুখ্যমন্ত্ৰী ড০ হিমন্ত বিশ্ব শৰ্মাৰ দায়িত্বত থকা লোক নিৰ্মাণ বিভাগৰ অধীনত শিৱসাগৰক চলি আছে বহু কেইটা পথ নিৰ্মাণৰ কাম।
পথ নিৰ্মাণৰ কাম সঠিকভাৱে হৈছে নে নাই তাৰ চৰজমিন তদন্ত আৰম্ভ কৰিছে বিধায়ক অখিল গগৈয়ে।
শেহতীয়াকৈ এটা পথ পুনৰ নিৰ্মাণত হোৱা বিসংগতি ধৰা পেলাই অখিল গগৈয়ে।
শিৱসাগৰৰ ৩৭ নং ৰাষ্ট্ৰীয় ঘাইপথৰ পৰা দিচাংমুখ সংলগ্ন ৭.৫ কিলোমিটাৰ দৈৰ্ঘ্যৰ পথটো ঠিকাদাৰে নিম্ন মান আৰু বিসংগতিপূৰ্ণভাৱে নিৰ্মাণ কৰি থকা অৱস্থাত বিধায়ক গৰাকী উপস্থিত হৈ ধমক দিয়ে ঠিকাদাৰক।
লগতে উক্ত স্থানলৈ মাতি আনে কাৰ্যবাহী অভিযন্তা, কনিষ্ঠ অভিযন্তাসহ সকলো বিভাগীয় কৰ্তৃপক্ষক।
ঠিকাদাৰ কমলা গগৈ তথা তেওঁৰ ঠিকাদাৰী প্ৰতিষ্ঠান শিৱসাগৰ চেল্ফ এম্পইমেন্ট এন্টাৰপ্ৰাইজৰ বিৰুদ্ধে ব্যৱস্থা গ্ৰহণৰ নিৰ্দেশ অখিল গগৈৰ।
শিৱসাগৰত লোকনিৰ্মাণ বিভাগকে ধৰি সকলো বিভাগত বিজেপি দলৰ নেতা মন্ত্ৰী তথা সাংসদৰ ঠিকা কাম আবন্টনৰ নামত যি কমিচনৰাজ চলি আছে তাৰ বিৰুদ্ধে কিমান সফল হব বিধায়ক অখিল গগৈ সেয়া সময়ে কব।
