ক’ৰ’না ভাইৰাছৰ সংক্ৰমণ ৰোধ কৰাৰ বাবে ৰাজ্য চৰকাৰে ৰাজহুৱা স্থানত মাস্ক পৰিধান কৰাটো বাধ্যতামূলক কৰাৰ পাছত ৰাজহুৱা স্থানত মাস্ক নিপিন্ধা লোক সকলৰ বিৰুদ্ধে কঠোৰ হৈ পৰিছে অসম আৰক্ষী।
নাজিৰাত আজি মাস্ক পৰিধান নকাৰকৈ ৰাজপথলৈ অহা আঠ জন ব্যক্তিক আটক কৰিছে নাজিৰা আৰক্ষীয়ে ৷
নাজিৰাত নগৰৰ মাজমজিয়াত কতৰ্ব্যৰত আৰক্ষীয়ে লকডাউনৰ নিয়ম ভংগ কৰি মাস্ক নিপিন্ধাকৈ ৰাজপথলৈ ওলাই অহা আঠগৰাকী ব্যক্তিক আটক কৰি গোচৰ ৰুজু কৰিছে।
মাস্ক পৰিধান নকৰাকৈ ৰাজহুৱা স্থানলৈ আহি লকডাউনৰ নিৰ্দেশনা ভংগ কৰা এই আঠগৰাকী ব্যক্তিৰ ওপৰত নাজিৰা আৰক্ষীয়ে নিজাববীয়াকৈ 162/2020 নম্বৰত গোচৰ ৰুজু কৰি ভাৰতীয় দণ্ডাবিধিৰ ২৬৯/২৭০ ধাৰৰ অধীনত ৫১ বি ডিজিষ্টাৰ মেনেজমেণ্টৰ চেকচন ৩ এপিদেমিক ডিজিজ এক্টৰ জৰিয়তে ব্যৱস্থা গ্ৰহণ কৰিছে।
তাৰ লগতে কোনো ব্যক্তিয়ে যাতে মাস্ক নিপিন্ধাকৈ ৰাজপথলৈ উলাই নাহে তাৰো আহ্বান জনাইছে নাজিৰা আৰক্ষীয়ে।
