বিশ্বৰ ৰাজনীতিত সৃষ্টি হৈছে তুমুল চাঞ্চল্যৰ। এয়াই হৈছে নিজা দৰ্শন আৰু আদৰ্শৰ প্ৰতি থকা সঁচা আনুগত্য আৰু সততা। উগ্ৰ সোঁপন্থী সাংসদেৰে কৰমৰ্দম নকৰিলে ফ্ৰান্সৰ নৱনিৰ্বাচিত বাওঁপন্থী সাংসদসকলে। বৰং এগৰাকী বাওঁ সাংসদে সোঁপন্থী সাংসদক ৰক-পেপাৰ ছিজাৰ ভংগীহে প্ৰদৰ্শন কৰিলে।
১৮ জুলাই বৃহস্পতিবাৰে ফ্ৰান্সৰ নেচনেল এচেম্বলীৰ অধিৱেশনৰ সময়ৰ ভিডিঅ’ৱে বিশ্বৰ ৰাজনীতিত তুমুল চাঞ্চল্যৰ সৃষ্টি কৰিছে। ফ্ৰান্সৰ এজন বাওঁপন্থী সাংসদে নেশ্যনেল ৰেলীৰ সোঁপন্থী দলৰ নৱনিযুক্ত সাংসদ ফ্লেভিয়ান টাৰ্মেটৰ সৈতে কৰমৰ্দন কৰিবলৈ অস্বীকাৰ কৰি ৰক-পেপাৰ ছিজাৰ ভংগীহে প্ৰদৰ্শন কৰে। ফ্লেভিয়ান টাৰ্মেটক ৰক-পেপাৰ ছিজাৰ ভংগী প্ৰদৰ্শন কৰা বাওঁপন্থী সাংসদগকাৰী হৈছে ফ্ৰান্সচুৱেছ পিকেমাল।
ইয়াৰ দ্বাৰা বাওঁপন্থী সাংসদগৰাকীয়ে সোঁপন্থী সাংসদগৰাকীক ফ্ৰান্সৰ উগ্ৰ সোঁপন্থাক পৰাভূত তথা উৎখাত কৰাৰ ইংগিত প্ৰদান কৰে। অধিবেশনৰ সময়ত লাইভ ষ্ট্ৰীম কৰা এই ভিডিঅ’টোত ইগৰাকীৰ পিছত সিগৰাকী বাওঁ মতাদৰ্শৰ সাংসদে সোঁপন্থী সাংসদ ফ্লেভিয়ান টাৰ্মেটৰ সৈতে কমমৰ্দন কৰিবলৈ অস্বীকাৰ কৰা দেখা গৈছে।
এই ভিডিঅ’ সামাজিক মাধ্যমত ভাইৰেল হোৱাৰ পাছতে সমগ্ৰ বিশ্বৰ ৰাজনীতিতে তীব্ৰ চাঞ্চল্যৰ সৃষ্টি হৈছে। তাৰ মাজতে বাওঁমতাদৰ্শত বিশ্বাসী দলসমূহক উৎসাহিত কৰা দেখা গৈছে। ফ্ৰান্সৰ শেহতীয়া নিৰ্বাচনক দ্বিতীয় ৰাউণ্ডৰ বাওঁপন্থী মিত্ৰজোঁট নিউ পপুলাৰ ফ্ৰণ্ট (এনএফপি)ৰ ফলাফলৰ কথা উল্লেখ কৰি ফ্ৰান্সচুৱেছ পিকেমালে এক্সত লিখিছে, “ৰক-পেপাৰ ছিজাৰ দৰে বেলট বক্সত শেষত এনএফপিয়েই জয়ী হয় নিৰ্বাচন।
Newly elected members of the French parliament refusing to shake hands with the far right is extremely satisfying. A particular shout out to the rock paper scissors gag. pic.twitter.com/shyBc1cx75
— Brendan May (@bmay) July 21, 2024
উল্লেখ্য যে পিকেমাল ৰক-পেপাৰ-চিজাৰ মোচনত যথেষ্ট মনোযোগ আৰু আলোচনা আকৰ্ষণ কৰিছে। ফ্ৰান্সৰ ২০২৪ নিৰ্বাচনৰ ফলাফলত কোনো দলে স্পষ্ট সংখ্যাগৰিষ্ঠতা লাভ কৰা নাই। কিন্তু নিৰ্বাচনত বাওঁপন্থী মিত্ৰজোঁট নিউ পপুলাৰ ফ্ৰণ্ট (এনএফপি)ৰ বিশেষ উত্থান দেখা গৈছে। যিটোৱে সমগ্ৰ বিশ্বৰ লেফ্ট ফ্ৰণ্টক উৎসাহিত কৰা দেখা গৈছে। কাৰণ ফ্ৰান্সৰ দৰে এখন উগ্ৰ সোঁপন্থী শাসিত ৰাষ্ট্ৰত বাওঁপন্থীৰ এনে উত্থান বিশ্বৰ ৰাজনীতিৰ বাবেই অতি তাৎপৰ্যপূৰ্ণ বুলি বিবেচিত হৈছে। আৰু ইয়ে বিশ্বৰ বাওঁপন্থীসকলৰ আত্মবিশ্বাস বৃদ্ধি কৰিছে। আৰু ফ্ৰান্সচুৱেছ পিকেমালৰ ৰক-পেপাৰ ছিজাৰ ভংগীয়েওঁ ইয়াৰে ইংগিত দিয়া বুলি চৰ্চা লাভ কৰিছে।
