বিশ্বৰ আটাইতকৈ ধনী ব্যক্তি হিচাবে পৰিগণিত হোৱা এলন মাস্কে বিশ্বৰ অতি জনপ্ৰিয় ছ’চিয়েল মিডিয়াৰ মাধ্যম টুইটাৰ ক্ৰয় কৰাৰ পিছত এইবাৰ বিশ্বত বহু সমাদৃত পানীয় প্ৰস্তুতকাৰী প্ৰতিষ্ঠান কোকা-কোলা ক্ৰয় কৰিবলৈ মন মেলিছে। এলন মাস্কে বৃহস্পতিবাৰে পুৱা তেওঁৰ টুইটাৰত এই ইচ্ছাৰ কথা ব্যক্ত কৰিছে।
মাস্কে টুইটত কৈছে , “কোকা-কোলা ক্ৰয় কৰিব বিচাৰো যাতে কোকেইন বিধ পুনৰ ওভতাই আনিব পাৰি”। তেওঁ কোকা-কোলা ক্ৰয় কৰিবলৈ বিচৰা টুইটটো ইতিমধ্যে ১,৪৫,০০০ বাৰতকৈও অধিক বাৰ ৰিটুইট কৰা হৈছে।
Next I’m buying Coca-Cola to put the cocaine back in
— Elon Musk (@elonmusk) April 28, 2022
উল্লেখ্য ২০১০ চনত টুইটাৰত যোগদান কৰা মাস্কৰ ৮৫ নিযুতৰো অধিক অনুসৰণকাৰী আছে।
কোকা-কোলা ক্ৰয় কৰিব বুলি উল্লেখ কৰা মাস্কৰ শেহতীয়া টুইটটো এতিয়া ভাইৰেল হৈ পৰিছে।
আমেৰিকাৰ ধনকুবেৰ এলন মাস্কে শেহতীয়াকৈ মাইক্ৰ’ব্লগিং ছাইট টুইটাৰ ক্ৰয় কৰিছে। টুইটাৰ ক্ৰয় কৰিবলৈ মাস্কে ব্যয় কৰিছে নগদ ৪,৪৪০ কোটি ডলাৰ।
ভাৰতীয় মুদ্ৰাত প্ৰায় ৩,৩৬,৯৪১ কোটি ২২লাখ টকাত এলন মাস্কে ক্ৰয় কৰিছে টুইটাৰ।
উল্লেখ্য যে কিছুদিন পূৰ্বে এলন মাস্কে প্ৰায় ২২হাজাৰ কোটি ডলাৰৰ বিনিময়ত টুইটাৰৰৰ ৯.২ শতাংশ অংশীদাৰিত্ব ক্ৰয় কৰিছিল। শেহতীয়াকৈ তেওঁ টুইটাৰৰ সম্পূৰ্ণ মালিকীস্বত্বই ক্ৰয় কৰিছে।
