স্থলপথ পৰিবহণ আৰু ৰাষ্ট্ৰীয় ঘাইপথ, শ্বিপিং(Shipping), জল সম্পদ, নদী উন্নয়ন আৰু গংগা পুনৰুজ্জীৱিতকৰণ মন্ত্ৰী নীতীন গাডকাৰীয়ে সোমবাৰ ২৪ ছেপ্টেম্বৰত জোৱাই-ৰাতাচেৰা ৰাষ্ট্ৰীয় ঘাইপথ-০৬টো উদ্বোধন কৰিব। এই ৰাষ্ট্ৰীয় ঘাইপথচোৱা ১০২ কি:মি: দৈৰ্ঘ্যবিশিষ্ট ৰাষ্ট্ৰীয় ঘাইপথ।
এই ৰাষ্ট্ৰীয় ঘাইপথটোৱা ৬৮৩কোটি টকা ব্যয়সাপেক্ষে নিৰ্মাণ কৰা হৈছে। এই পথচোৱাৰে বৰ্তমানৰ ৪ ঘণ্টাৰ সলনি ২.৫ ঘণ্টাতেই জোৱাই আৰু ৰাতাচেৰাৰ মাজত অহা-যোৱা সম্ভৱপৰ হৈ উঠিব। এই ৰাষ্ট্ৰীয় ঘাইপথচোৱা কয়লা আৰু চিমেণ্ট উৎপাদনকৰী বেল্টৰ মাজেৰে গৈছে। এই পথটোৱাই উত্তৰ-পূবৰ এই ভূমি-বেষ্টিত এলেকাোটৰ বাবে জীৱনৰেখা হিচাপে পৰিগণিত হ’ব। এই পথচোৱাই বৰাক উপত্যকা আৰু কাষৰীয়া এলেকাসমূহৰ মাজত যোগাযোগ উন্নীত কৰাৰ ফলত অৰ্থনৈতিক বিকাশ ত্বৰান্বিত হ’ব, নিয়োগৰ সুযোগ সৃষ্টি হ’ব আৰু সামগ্ৰিকভাৱে এলেকাটোৰ জীৱনধাৰণৰ মানদণ্ড উন্নীত হ’ব।
নৱনিৰ্মিত ৰাষ্ট্ৰীয় ঘাইপথচোৱাত ২টা টোল প্লাজা, ১৭টা বাছ আস্থান, ২টা ৰাষ্ট্ৰীয় ঘাইপথ তালাচী আৰক্ষী দলৰ উপৰিও ২টা পথৰ দাঁতিৰ জিৰণিগৃহ থাকিব।
২৪ ছেপ্টেম্বৰত মন্ত্ৰীগৰাকীয়ে ২ দিনীয়া ভ্ৰমণসূচী লৈ শ্বিলঙলৈ আহিব। ২৫ ছেপ্টেম্বৰত মন্ত্ৰীগৰাকীয়ে সংশ্লিষ্ট গোটসমূহৰ সৈতে একেলগে উত্তৰ-পূৰ্বাঞ্চলৰ ৭খন ৰাজ্যৰ প্ৰতিটো ৰাষ্ট্ৰীয় ঘাইপথৰ পুনৰীক্ষণ কৰিব।
উল্লেখ্য যে ১.৫ লাখ কোটি টকা ব্যয়সাপেক্ষ ৰাষ্ট্ৰীয় ঘাইপথ প্ৰকল্পৰ কাম উত্তৰ-পূৰ্বাঞ্চলৰ ৭খন ৰাজ্যত চলি আছে। প্ৰতিখন ৰাজ্যৰ মুখ্য মন্ত্ৰ, গড়কাপ্তানি মন্ত্ৰী, পথপৰিবহণ আৰু ৰাষ্ট্ৰীয় ঘাইপথ মন্ত্ৰ্যালয়,ভাৰতীয় ৰাষ্ট্ৰীয় ঘাইপথ প্ৰাধিকৰণ, ৰাষ্ট্ৰীয় ঘাইপথ উন্নয়ন নিগমৰ বিষয়াসকল আৰু প্ৰকল্পৰ ঠিকাদাৰসকল সৈতে প্ৰতিটো প্ৰকল্পৰ পুনৰীক্ষণ কৰিব।