গৃহ মন্ত্ৰ্যালয়ৰ ঘোষণা; নাগৰিকত্ব প্ৰমাণৰ বাবে নালাগে পূৰ্বপুৰুষৰ কোনো পৰিচয় পত্ৰ
অৱশেষত কেন্দ্ৰীয় গৃহ মন্ত্ৰ্যালয়ে অসমৰ জনসাধাৰণক আকৌ এবাৰ বিপদৰ মুখলৈ ঠেলি দি ঘোষণা কৰিলে নাগৰিকত্ব সম্পৰ্কীয় আন এক নীতি।
নাগৰিকত্ব সংশোধনী আইনৰ বিৰুদ্ধে সমগ্ৰ দেশজুৰি চলি থকা প্ৰবল প্ৰতিবাদৰ মাজতে গৃহ মন্ত্ৰ্যালয়ে ঘোষণা কৰিছে যে নাগৰিকত্ব প্ৰমাণৰ বাবে পিতৃ-মাতৃৰ কোনো পৰিচয় পত্ৰ নালাগে।
আনকি অঞ্চল সাপেক্ষে স্থানীয় লোকৰ ভাষ্যকে প্ৰমাণ হিচাপে ধৰা হ’ব। তদুপৰি, আধাৰ কাৰ্ডক মান্যতা দিয়া হ’ব বুলিও কোৱা হৈছে।
শুকুৰবাৰে গৃহ মন্ত্ৰালয়ৰ ফালৰ পৰা টুইট কৰি কোৱা হৈছে যে নাগৰিকত্ব প্ৰমাণৰ বাবে ১৯৭১ চনৰ পূৰ্বৰ কোনো নথি দাখিলৰ প্ৰয়োজন নাই।
#Citizenship of India may be proved by giving any document relating to date of birth or place of birth or both. Such a list is likely to include a lot of common documents to ensure that no Indian citizen is unduly harassed or put to inconvenience.#CAA2019
10/n
— Spokesperson, Ministry of Home Affairs (@PIBHomeAffairs) December 20, 2019
কোনোৱে তেওঁৰ পিতৃ-মাতৃৰ বা তেওঁলোকৰ পূৰ্ব পুৰুষৰ পৰিচয় পত্ৰ অথবা জন্মৰ প্ৰমাণ পত্ৰ দিব নালাগে। এইক্ষেত্ৰত নিজৰ পৰিচয় পত্ৰই যথেষ্ট হ’ব। লগতে আধাৰ কাৰ্ডকো নাগৰিকত্ব প্ৰমাণৰ নথিৰ তালিকাত অন্তৰ্ভুক্ত কৰা হৈছে।
নিৰক্ষৰ ব্যক্তিৰ বাবে গৃহ মন্ত্ৰালয়ে ৰেহাই দি কৈছে যে তেওঁলোকে কোনো লিখিত নথি দিয়াৰ প্ৰয়োজন নহ’ব।
এই ক্ষেত্ৰত তেওঁলোকৰ হাতত কোনো নথি নাথাকিলে স্থানীয় লোকৰ জৰিয়তে তেওঁলোকৰ নাগৰিকত্ব নিশ্চিত কৰা হ’ব।
গৃহ মন্ত্ৰ্যালয়ে স্পষ্ট কৰিছে যে জন্মৰ তাৰিখ, স্থান বা এই দুটাৰ যিকোনো এটা নথি থাকিলেই নাগৰিকত্ব প্ৰমাণ কৰা যাব।
Illiterate citizens, who may not have any documents, authorities may allow them to produce witnesses or local proofs supported by members of community. A well laid out procedure will be followed.#CAA2019
12/n
— Spokesperson, Ministry of Home Affairs (@PIBHomeAffairs) December 20, 2019
নাগৰিকত্ব সংশোধনী আইনৰ বিৰুদ্ধে প্ৰতিবাদৰ পথ দেখুওৱা অসমৰ বাবে এয়া আন এক বেয়া খবৰ। দেশৰ আন অঞ্চলৰ বাবে এনে নীতিৰ প্ৰভাৱ নপৰিলেও অসমত ইয়াৰ ভয়ংকৰ প্ৰভাৱ পৰা সম্ভাৱনা আছে।
অসমত সম্পূৰ্ণ হৈ উঠা ৰাষ্ট্ৰীয় নাগৰিক পঞ্জীত বাদ পৰা ১৯ লাখ বিদেশীৰ সৰহ সংখ্যকে এই নীতিৰ জৰিয়তে ভাৰতীয় নাগৰিকত্ব লাভৰ পথ প্ৰশস্ত হ’ব।
কা অনুসৰি নাগৰিকত্ব দিব খোজা হিন্দু বাংলাদেশীৰ বাবে এতিয়া কোনো বাধাই নাথাকিব। কেবল সেয়াই নহয়, অসম চুক্তি, অসমীয়াৰ ৰক্ষা কৱচ তথা খিলঞ্জীয়াৰ ৰক্ষণাবেক্ষনৰ দৰে প্ৰতিশ্ৰুতিবোৰ যে ফুটুকাৰ ফেন হৈ পৰিব সেয়াও নিশ্চিত হ’ল।
ৰাজপথত আন্দোলনত ব্যস্ত থকাৰ মাজতে দিল্লীৰ এই ষড়যন্ত্ৰমূলক নীতিক ভেটিব পৰা হ’বনে?