উত্তৰ কোৰিয়াৰ একনায়কত্ববাদী শাসক কিম-জং-য়ুনে ব্যক্তিগত বাৰ্তাযোগে চীনৰ ৰাষ্ট্ৰপতি ঝি ঝিনপিঙক ক’ৰ’নাৰ বিৰুদ্ধে যুদ্ধত জয়ী হোৱা বাবে ধন্যবাদ জ্ঞাপন কৰে।
‘‘অকল্পনীয় মহামাৰীৰ বিৰুদ্ধে ঘোষণা কৰা যুদ্ধত জয়ী হোৱা বাবে ৰাষ্ট্ৰপতি ঝিনপিঙক ধন্যবাদ জ্ঞাপন কৰিছো,’’ কিম জং য়ুনে এনেদৰে চীনৰ ৰাষ্ট্ৰপতিক ধন্যবাদ জ্ঞাপন কৰা বুলি এখন সংবাদপত্ৰত প্ৰকাশ পায়।
আনহাতে, কিমৰ প্ৰশংসা সূচক বাৰ্তা সম্বন্ধে চীনৰ বৈদেশিক মন্ত্ৰ্যালয়ক সোধাত চীনৰ বৈদেশিক মন্ত্ৰ্যালয়ৰ তৰফৰ পৰা চীন আৰু উত্তৰ কোৰিয়াই ক’ৰ’না ভাইৰাছ মহামাৰী নিয়ন্ত্ৰণৰ বাবে সহযোগিতাৰে কাম কৰি আছে বুলি উল্লেখ কৰে।
উল্লেখযোগ্য যে, উত্তৰ কোৰিয়াৰ শাসক কিম জং য়ুনে কিছুদিন পূৰ্বে আত্মগোপন কৰিছিল।
বহু সংবাদ মাধ্যমত কিমৰ মৃত্যু হোৱা বুলিও সংবাদ পৰিবেশন কৰা হৈছিল বহুতে কিমৰ হৃদৰোগৰ অস্ত্ৰোপ্ৰচাৰ বিফল হোৱা বুলি সংবাদ প্ৰকাশ কৰিছিল।
কিন্তু সকলো জল্পনা-কল্পানাৰ অন্ত পেলাই পুনৰ জনসাধাৰণৰ মাজলৈ উভতি আহিছিল কিম জং য়ুন।
চীনে আচৰিত ধৰণে নিজৰ দেশত ক’ৰ’না মহামাৰী নিয়ন্ত্ৰণ কৰিবলৈ সক্ষম হোৱাৰ বিপৰীতে উত্তৰ কোৰিয়াত এতিয়ালৈ ক’ৰ’নাৰ কোনোধৰণৰ প্ৰভাৱ পৰা নায়।
