ৰাষ্ট্ৰীয় পৰীক্ষণ সংস্থাই (NTA) ইউজিচি-নেট জুন ২০২৬ পৰীক্ষাৰ ফলাফল ঘোষণা কৰিছে। ২০২৬ চনৰ ২৮ আগষ্টত ৮৭টা বিষয়ৰ ভিতৰত ৮৪টা বিষয়ৰ ফলাফল প্ৰকাশ পাইছে। পৰীক্ষাত অৱতীৰ্ণ হোৱা প্ৰাৰ্থীসকলে এতিয়া অনলাইনযোগে স্ক’ৰকাৰ্ড ডাউনলোড কৰিব পাৰিব।
এন টি এয়ে জনাইছে যে প্ৰাৰ্থীসকলে প্ৰয়োজনীয় লগইন তথ্যসহ ইউ জি চি-নেটৰ অফিচিয়েল ৱেবছাইটত গৈ নিজৰ ফলাফল আৰু স্ক’ৰকাৰ্ড চাব পাৰিব। স্ক’ৰকাৰ্ডখন ডাউনলোড কৰি ভৱিষ্যতৰ বাবে সংৰক্ষণ বা প্ৰিন্ট কৰিবলৈ পৰামৰ্শ দিয়া হৈছে।
UGC-NET June 2026 Scorecard কেনেকৈ ডাউনলোড কৰিব?
প্ৰথমে UGC-NET ৰ অফিচিয়েল ৱেবছাইটলৈ যাব লাগিব। তাৰ পিছত UGC-NET June 2026 Result বা Scorecard ৰ লিংকত ক্লিক কৰক। তাত প্ৰয়োজনীয় লগইন তথ্য দি জমা দিব লাগিব। ইয়াৰ পিছত যেতিয়া স্ক্ৰীণত স্ক’ৰকাৰ্ড ওলাব তেতিয়া ইয়াক ডাউনলোড কৰি ভৱিষ্যতৰ বাবে সংৰক্ষণ কৰক।
অৱশ্যে ইংৰাজী, বাণিজ্য আৰু সমাজ বিজ্ঞান তিনিটা বিষয়ৰ পৰীক্ষাৰ্থীয়ে এতিয়াৰ বাবে ফলাফললৈ অপেক্ষা কৰিব লাগিব। এই তিনিটা বিষয়ৰ পৰীক্ষা পুনৰ অহা ৯ আৰু ১০ ছেপ্টেম্বৰ, ২০২৬ তাৰিখে অনুষ্ঠিত হ’ব বুলি এন টি এয়ে জনাইছে। সংশ্লিষ্ট পৰীক্ষাৰ্থীৰ ফলাফল আৰু স্ক’ৰকাৰ্ড পুনৰ পৰীক্ষাৰ পিছতহে প্ৰকাশ কৰা হ’ব।
এন টি এয়ে স্পষ্ট কৰি দিছে যে ইংৰাজী, বাণিজ্য আৰু সমাজ বিজ্ঞানৰ পৰীক্ষাৰ্থীয়ে পুনৰ পৰীক্ষাৰ পূৰ্বে ২০২৬ চনৰ জুন মাহৰ স্ক’ৰকাৰ্ড ডাউনলোড কৰিবলৈ চেষ্টা কৰিলে ‘অবৈধ আবেদন নম্বৰ/পাছৱৰ্ড’ বাৰ্তাটো দেখা পাব পাৰে। এই বাৰ্তাত প্ৰাৰ্থীক বিভ্ৰান্ত নহ’বলৈ পৰামৰ্শ দিয়া হৈছে।
এনটিএৰ বিবৃতিত কোৱা হৈছে যে যিসকল পৰীক্ষাৰ্থীৰ ইংৰাজী, বাণিজ্য আৰু সমাজ বিজ্ঞানৰ পৰীক্ষা অহা ৯ আৰু ১০ ছেপ্টেম্বৰত পুনৰ অনুষ্ঠিত হ’ব, তেওঁলোকে পুনৰ পৰীক্ষাৰ পূৰ্বে ইউজিচি-নেট জুন ২০২৬ স্ক’ৰকাৰ্ডত প্ৰৱেশ কৰিবলৈ চেষ্টা কৰিলে ‘অবৈধ আবেদন নম্বৰ/পাছৱৰ্ড’ বাৰ্তা লাভ কৰিব পাৰে। তেওঁলোকৰ ৰিজাল্ট আৰু স্ক’ৰকাৰ্ড পুনৰ পৰীক্ষাৰ পিছতহে মুকলি কৰা হ’ব।
উল্লেখ্য যে, দেশৰ বিভিন্ন কেন্দ্ৰত মুঠ ৮৭টা বিষয়ত ২২ জুনৰ পৰা ৩০ জুনলৈ UGC-NET জুন ২০২৬ পৰীক্ষা অনুষ্ঠিত হৈছিল। জুনিয়ৰ ৰিচাৰ্চ ফেল’শ্বিপ (জে আৰ এফ) বঁটাৰ বাবে যোগ্যতা নিৰ্ণয়, সহকাৰী অধ্যাপক পদৰ বাবে যোগ্যতা নিৰ্ণয় আৰু পি এইচ ডি কাৰ্যসূচীত নামভৰ্তিৰ বাবে যোগ্যতা নিৰ্ণয়ৰ বাবে এই পৰীক্ষা অনুষ্ঠিত কৰা হয়।
ইয়াৰে ৮৪টা বিষয়ৰ ফলাফল ঘোষণা কৰা হৈছে যদিও ইংৰাজী, বাণিজ্য আৰু সমাজ বিজ্ঞানৰ প্ৰাৰ্থীসকলে আৰু কিছুদিন অপেক্ষা কৰিব লাগিব। ৯ আৰু ১০ ছেপ্টেম্বৰত পুনৰ পৰীক্ষাৰ পিছতহে এন টি এয়ে সেই তিনিটা বিষয়ৰ ফলাফল ঘোষণা কৰিব।
