NTA to release NEET 2022 Admit Cards সৰ্বভাৰতীয় চিকিৎসা বিজ্ঞানৰ প্ৰৱেশ পৰীক্ষাৰ এডমিট কাৰ্ড আজি (১২জুলাই) মুকলি কৰা হ’ব। সোমবাৰে নেচনেল টেষ্টিং এজেন্সি (NTA) জনায় যে মঙলবাৰে পুৱা ১১.৩০ বজাৰ পৰা এডমিট কাৰ্ডসমূহ উপলব্ধ হ’ব। প্ৰাৰ্থীসকলে ইয়াক NEETৰ অফিচিয়েল ৱেবছাইট neet.nta.nic.in পৰা ডাউনলোড কৰিব পাৰিব।
নীটৰ এডমিট কাৰ্ড (NEET 2022 Admit Card) কেনেদৰে ডাউনলোড কৰিব?
১) সৰ্বভাৰতীয় মেডিকেল প্ৰৱেশ পৰীক্ষাৰ (NEET UG) ৰ অফিচিয়েল ৱেবছাইট neet.nta.nic.in চাওক।
২) NEET Admit Card লিংকত ক্লিক কৰক।
৩) আপোনাৰ আবেদন নম্বৰ আৰু জন্ম তাৰিখ দি লগ ইন কৰক।
৪) তাৰ পিছত এডমিট কাৰ্ড ডাউনলোড কৰক।
পৰীক্ষাৰ দিনা এডমিট কাৰ্ড খন লগত নিব লাগিব।
NTA-ৰ তৰফৰ পৰা জানিবলৈ দিছে যে অহা ১৭ জুলাইৰ আবেলি ২ বজাৰ পৰা বিয়লি ৫.২০ বজালৈ NEET প্ৰৱেশ পৰীক্ষা অনুষ্ঠিত হ’ব। NTA য়ে ভাৰতৰ বাহিৰৰ ১৪ খন চহৰকে ধৰি মুঠ ৪৯৭ খন চহৰত পৰীক্ষা অনুষ্ঠিত কৰিব।
মুঠ ১৮,৭২,৩৪১ জন শিক্ষাৰ্থীয়ে পৰীক্ষাত অৱতীৰ্ণ হ’ব। প্ৰাৰ্থীসকলে এডমিট কাৰ্ড ডাউনলোড কৰাত কোনো সমস্যা হ’লে 011-40759000 নম্বৰত ফোন কৰিব পাৰে বা তেওঁলোকে [email protected] ইমেইল কৰিব লাগিব।
NEET পৰীক্ষাৰ্থীসকলে অনুসৰণ কৰিব লাগিব ড্ৰেছ কোড
সৰ্বভাৰতীয় চিকিৎসা বিজ্ঞানৰ প্ৰৱেশ পৰীক্ষা দিবলৈ যোৱা প্ৰাৰ্থীসকলে ড্ৰেছ কোড বা পোছাক বিধি মানি চলিব লাগিব। যথেষ্ট ৰঙচঙীয়া বা সম্পূৰ্ণ হাত ঢাকি ৰখা কাপোৰ পিন্ধিব নোৱাৰিব। ডাঙৰ বুটাম থকা কাপোৰ আৰু ডাঠ জোতা পিন্ধিব নোৱাৰিব। প্ৰাৰ্থীসকলক পাতল ৰং আৰু সাধাৰণ পোছাক পিন্ধিবলৈ পৰামৰ্শ দিয়া হৈছে। অৱশ্যে যদি কোনো পৰীক্ষাৰ্থীয়ে ধৰ্মীয় কাৰণত কোনো পোছাক পিন্ধে তেওঁলোকে আগতীয়াকৈ পৰীক্ষা কেন্দ্ৰত উপস্থিত হ’ব লাগিব।
