কেন্দ্ৰ চৰকাৰৰ আয়ুস্মান ভাৰত আঁচনিৰ হিতাধিকাৰীৰ সংখ্যাই দেশত এক কোটিৰ সংখ্যা অতিক্ৰম কৰাত প্ৰধান মন্ত্ৰী নৰেন্দ্ৰ মোদীয়ে সুখ ব্যক্ত কৰে।
আয়ুস্মান ভাৰত আঁচনিৰ হিতাধিকাৰীৰ সংখ্যাই এক কোটিৰ ঘৰ অতিক্ৰম কৰা বুলি বুধবাৰে প্ৰধান মন্ত্ৰী নৰেন্দ্ৰ মোদীয়ে উল্লেখ কৰে।
‘‘মই ১ কোটি হিতাধিকাৰীৰ মাজৰ এগৰাকী মেঘালয়ৰ পূজা থাপাৰ সৈতে টেলিফোনত কথা পাতো,’’ নৰেন্দ্ৰ মোদীয়ে টুইট কৰে।
উল্লেখযোগ্য যে, কেন্দ্ৰ চৰকাৰে মুকলি কৰা আয়ুস্মান ভাৰত চিকিৎসা আঁচনিৰ দ্বাৰা দেশৰ ১০ কোটি দুখীয়া পৰিয়ালৰ ৫ লাখ টকালৈ চিকিৎসা ব্যয় বহন কৰাৰ লক্ষ্য নিৰ্ধাৰণ কৰি লৈছিল।
আয়ুস্মান ভাৰত আঁচনিৰ দ্বাৰা দেশৰ দুখীয়া পৰিয়ালৰ লোক সকলে আঁচনিৰ অন্তৰ্ভূক্ত ৰোগৰ সমূহৰ চিকিৎসাৰ ক্ষেত্ৰত বছৰি ৫ লাখ টকালৈ চিকিৎসা সাহায্য লাভ কৰে।
দেশৰ বিভিন্ন ৰাজ্যৰ লগতে অসমতো বহু লোকে আয়ুস্মান ভাৰত চিকিৎসা আঁচনিৰ সুবিধা লাভ কৰিবলৈ সক্ষম হৈছে।
