দেশখনত একেৰাহে কেইবাদিনো ধৰি হ্ৰাস পাইছে দৈনিক আক্ৰান্তৰ সংখ্যা। সোমবাৰে আৰু হ্ৰাস পাইছে দৈনিক সংক্ৰমণৰ ঘটনা। কিন্তু যোৱা ২৪ ঘন্টাত মৃত্যুৰ সংখ্যা পুনৰ ৪হাজাৰ অতিক্ৰম কৰিছে।
আনহাতে, দেশত মুঠ কৰ’না আক্ৰান্ত মৃত্যুৰ সংখ্যা ৩ লাখৰ সীমা অতিক্ৰম কৰিছে।
সোমবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ২ লাখ ২২হাজাৰ ৩১৫ জন লোক।
দেওবাৰৰ তুলনাত সোমবাৰে আক্ৰান্তৰ সংখ্যা বহুখিনি হ্ৰাস পাইছে। দেওবাৰে দেশত ক’ৰ’নাত আক্ৰান্ত হৈছিল ২ লাখ ৪০ হাজাৰ ৮৪২জন লোক।
সেইদৰে, বৰ্তমান দেশত মুঠ কৰ’না আক্ৰান্ত ৰোগীৰ সংখ্যা ২কোটি ৬৭লাখ ৫২হাজাৰ ৪৪৭জনলৈ বৃদ্ধি পাইছে।
আনহাতে, যোৱা ২৪ ঘণ্টাত দেশত ৪ হাজাৰ ৪৫৪ জন কোভিড আক্ৰান্ত লোকৰ মৃত্যু হৈছে। দেওবাৰে এই সংখ্যা আছিল ৩হাজাৰ ৭৪১জন।
মন্ত্ৰ্যালয়ে প্ৰকাশ কৰা অনুসৰি দেশত মুঠ কৰ’না আক্ৰান্ত মৃত্যুৰ সংখ্যা হৈছেগৈ ৩লাখ ৩ হাজাৰ ৭২০জন।
ইপিনে, দেশত যোৱা ২৪ ঘন্টাত কৰ’নাৰ পৰা আৰোগ্য লাভ কৰিছে ৩লাখ ২হাজাৰ ৫৪৪ জন ৰোগীয়ে। দেওবাৰে এই সংখ্যা আছিল ৩লাখ ৫৫হাজাৰ ১০২জন।
সেইদৰে দেশত কৰ’নাৰ পৰা আৰোগ্য লাভ কৰা মুঠ ৰোগীৰ সংখ্যা হৈছে ২কোটি ৩৭লাখ ২৮হাজাৰ ১১জন লোক।
আনহাতে, যোৱা ২৪ ঘন্টাত দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ২৭লাখ ২০হাজাৰ ৭১৬জন। দেওবাৰে এই সংখ্যা আছিল ২৮লাখ ৫হাজাৰ ৩৯৯জন।
বৰ্তমানলৈ দেশত ১৯কোটি ৬০ লাখ ৫১ হাজাৰ ৯৬২ জন লোকক কৰ’নাৰ ভেকচিন প্ৰদান কৰা হৈছে।
দেশত কৰ’না আক্ৰান্তৰ সংখ্যা আগতকৈ হ্ৰাস পাইছে যদিও সেইদৰে মৃত্যুৰ সংখ্যাই এতিয়াও উদ্বেগ হ্ৰাস কৰিব পৰা নাই। বিশেষজ্ঞসকলে অনুমান কৰিছে যে জুলাই মাহত কৰ’নাৰ দ্বিতীয় ঢৌ কমি যাব।
অৱশ্যে ইয়াতো কিন্তু সকাহৰ কাৰণ নাই। কিয়নো তাৰপাছতো আহিব পাৰে কৰ’নাৰ তৃতীয়টো ঢৌ।
