হানি ট্ৰেপিঙৰ জালত উৰিষ্যাৰ ১৮গৰাকী বিধায়ক : সংকটত পাটনায়ক চৰকাৰ

এইবাৰ ৰহস্যময় যুৱতীৰ হানি ট্ৰ্ৰেপিঙৰ জালত বিপদত পৰিছে উৰিষ্যাৰ ১৮ জনকৈ বিধায়ক। বহু ৰাজনৈতিক নেতা-বিষয়া, ব্যৱসায়ী সোমাই পৰিছে এইগৰাকী যুৱতীৰ যৌনতাৰ জালত।

কালাহান্দিৰ এটা দৰিদ্ৰ পৰিয়ালৰ পৰা অহা এই গৰাকী যুৱতীয়ে কেনেকৈ সোমাই হানী ট্ৰেপিং তআ তথা যৌনতাৰ বজাৰত? কেনেকৈ হাতৰ মুঠিত সোমোৱাই ল’লে বহুতো ৰাজনৈতিক নেতা, প্ৰতিষ্ঠিত ব্যৱসায়ী তথা সম্ভ্ৰান্ত্ৰ লোকৰ জীৱন?

উৰিষ্যাৰ ৰাজনৈতিক নেতাৰ ভৰিত তলৰ মাটি কঁপাই তোলা এইগৰাকী যুৱতীৰ নাম অৰ্চনা নাগ। বয়স ২৭ বছৰ।  কালাহান্দিৰ এটি দৰিদ্ৰ পৰিয়ালৰ পৰা আহি প্ৰথমে যুৱতীগৰাকীয়ে এটি ব্যক্তিগত খণ্ডৰ নিৰাপত্তা সংস্থাৰ তলত চিকিউৰিটি গাৰ্ড হিচাপে কাম কৰিছিল। তাৰপিছত এখন পাৰ্ল্লাৰত কাম কৰিবলৈ আৰম্ভ কৰিছিল অৰ্চনাই। সেই পাৰ্ল্লাৰৰ জৰিয়তেই তাই আৰম্ভ কৰিছিল যৌনতাৰ বেহা।

২০১৮ চনৰ কথা। সেই পাৰ্ল্লাৰতে ২০১৮ চনত অৰ্চনাই লগ পাইছিল জগবন্ধু নামৰ এজন যুৱকক।  তাৰপিছত প্ৰেমসূত্ৰে দুয়োৰে মাজত সম্পন্ন হৈছিল বিবাহ। অৰ্চনাৰ স্বামী জগবন্ধুৰ আছিল বহু ৰাজনৈতিক নেতা তথা প্ৰভাৱশালী ব্যক্তিৰে ঘনিষ্ঠ সম্পৰ্ক।

সেই সূত্ৰেই অৰ্চনাইও লাভ কৰিছিল অনেক নেতা-মহানেতা, প্ৰভাৱশালী ব্যক্তিৰ সান্নিধ্য। অৰ্চনাই আৰম্ভ কৰিছিল সেই প্ৰভাৱশালী ব্যক্তিসকলক নাৰী যোগান ধৰাৰ কাম।

সমাজৰ প্ৰভাৱশালী ব্যক্তিসকলক নাৰী যোগান ধৰি অৰ্চনাই গোপনে সংগ্ৰহ কৰিছিল সেই সকল ব্যক্তিৰ সৈতে হোৱা কিছু অন্তৰংগ মুহূৰ্তৰ ছবি। আানজি নিজেও বহু হাই প্ৰফাইল ব্যক্তিৰ শোৱনী কোঠা শুৱনি কৰাৰ পিছত ব্লেকমেইলেৰে অৰ্চনাই জালত পেলাইছিল বহুতক। অচৰ্নাই চিকাৰত পৰা এই সকল ব্যক্তিলৈ অৰ্চনাই সেই গোপন মুহূৰ্তৰ ফটোসমূহ পঠিয়াইছিল আৰু দাবী কৰিছিল বৃ্হৎ অংকৰ ধন।

শেহতীয়াকৈ অৰ্চনাই জালত বন্দী হোৱা এজন প্ৰযোজকলৈও প্ৰেৰণ কৰিছিল গোপন ছবি আৰু দাবী কৰিছিল ৩ কটি টকাৰ মোটা অংকৰ ধন। কিন্তু এইবাৰ সেই প্ৰযোজন জনে আগৰ ব্যক্তি সকলৰ দৰে অৰ্চনাৰ দাবী মানি লোৱাৰ সলনি অৰ্চনাৰ বিৰুদ্ধে থানাত ৰুজো কৰিছিল এটি গোচৰ। এই গোচৰৰ ভিত্তিতেই আৰক্ষীয়ে আৰম্ভ কৰে তদন্তৰ। অৱশেষত আৰক্ষীৰ মাৰাথান জেৰাত অৰ্চনাৰ মুখৰ পৰা ওলাই পৰে বহুতো ভয়ানক স্বীকাৰোক্তি। এটা এটাকৈ সকলো সঁচা কথা সৈ কাঢ়ে অৰ্চনা নামৰ ছলনাময়ী যুৱতীয়ে। ইতিমধ্যে ভাৰতীয় দণ্ডবিধি আইনৰ কেইবাটাও গুৰুত্বপূৰ্ণ ধাৰাত অৰ্চনাৰ বিৰুদ্ধে ৰুজো হৈছে গোচৰ। এই তদন্তৰ পৰাই ওলাই পৰে অৰ্চনাই পেলোৱা জালত উৰিষ্যাৰ কেইবাজনো বিধায়কে ভৰি দিয়াৰ কথাও। গতিকে এতিয়া এই সকল ৰাজনৈতিক নেতাসকলৰ মাথা কামোৰণিৰ কাৰণ হৈ পৰিছে অৰ্চনা নাগ।