বৰপেটাৰ শিলাৰ কৃষি ভূমিত বিহ দিয়াৰ ফলত কালি শ শ পক্ষী নিধন হোৱা ঘটনাই মৰ্মাহত কৰি তুলিছে সকলকে ৷ কৃষিভূমিত বিষাক্ত বিহ দিয়াৰ ফলতেই কালি শ শ পক্ষীৰ মৃত্যু হৈছিল ৷
সোমবাৰে সংঘটিত পক্ষী নিধন কাৰ্য বুজ লোৱাৰ উদ্দেশ্যে আজি পুৱা শিলাৰ ঘটনাস্থলীত উপস্থিত হয় বৰপেটাৰ আৰক্ষী অধীক্ষক অমিতাভ সিনহা আৰু বৰপেটা সদৰ থানাৰ ভাৰপ্ৰাপ্ত আৰক্ষী বিষয়া ৰঞ্জন দলে সহ আৰক্ষীৰ এটি দল।
পক্ষী নিধন ঘটনাক গুৰুত্ব সহকাৰে লৈ বৰপেটা জিলা প্ৰশাসনে আৰম্ভ কৰিছে প্ৰাথমিক তদন্ত। জিলা আৰক্ষী প্ৰশাসনে কৃষিভূমি বন্ধকত লোৱা শিলা গাঁওৰ পজিৰুদ্দিন আহমেদৰ পুত্ৰ মান্নান আলীক আটক কৰি থানালৈ লৈ যায়।
উক্ত কৃষিভূমিৰ গৰাকী হৈছে শিলা গাঁওৰ হৰকুমাৰ শৰ্মা। কৃষিভূমিৰ প্ৰকৃত গৰাকীয়ে পজিৰুদ্দিন আহমেদক উক্ত ভূমিত কৃষিকাৰ্য কৰিব দিছিল৷
কৃষিভূমিখিনিত বিষাক্ত বিহ দিয়াৰ ফলত শ শ পশু-পক্ষী নিধন হোৱাৰ লগতে বহু পোহনীয়া জীৱ জন্তু, হাহ কুকুৰা, পাৰৰো মৃত্যু ঘটিছিল।
এই ঘটনাক সহজভাৱে সহজভাৱে লৱ পৰা নাই প্ৰকৃতিপ্ৰেমীৰ লগতে স্থানীয় ৰাইজে। এই ঘটনাক স্থানীয় লোক সকলে তীব্ৰ গৰিহণা দিয়াৰ লগতে ঘটনাত জড়িত সকলক কৰায়ত্ত্ব কৰি উপযুক্ত শাস্তি প্ৰদান কৰিবলৈ দাবী জনাইছে ৷
