বৰপেটা চহৰত আজি সংঘটিত হ’ল এক কৰুণ ঘটনা ৷ “চিপচ”ৰ পেকেটেই প্ৰাণ কাঢ়ি লৈ গ’ল চহৰখনৰ মুছলিমপট্টিৰ ৩ বছৰীয়া এটি শিশুৰ ৷
ঘটনা সন্দৰ্ভত জানিব পৰা মতে চহৰখনৰ মুছলিমপট্টিৰ ছামচুল হক(মুন্না) আৰু পাৰবিন চুলতানাৰ সন্তানটিৱে আজি দিনৰ প্ৰায় ১২:৩০ মান বজাত খেলি থাকোতে “চিপচ”ৰ পেকেটত থকা বেলুন ফুৱায় ৷
শিশুটিয়ে বেলুন ফুৱাই থাকোতে গ’লত লাগি ছটফটাবলৈ ধৰে ৷ ওচৰত থকা পিতৃ-মাতৃয়ে শিশুটিক বচাবলৈ বহুত চেষ্টা কৰে আৰু লগে লগে শিশুটিক বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হাস্পতালত লৈ যায়।
হাস্পাতলত চিকিৎসকে শিশুটি মৃত বুলি ঘোষণা কৰে ৷
অকাল মৃত্যুক সাৱটি লোৱা শিশুটিৰ মাতৃ বৰপেটা চিকিৎসা মহাবিদ্যালয় হাস্পতালৰ ষ্টাফ নাৰ্ছ ৷
মাতৃগৰাকীয়ে আজি নিজ কৰ্ম সমাপন কৰি গৃহত প্ৰবেশ কৰাৰ কিছু সময় পিছতেই এই মৰ্মান্তিক ঘটনাটো সংঘটিত হয় ৷
এই ঘটনাই অঞ্চলটোত শোকৰ ছাঁ পেলাইছে ৷
