২০২২ বৰ্ষৰ পদ্ম বঁটা বিজয়ীৰ নাম ঘোষণা; অসমৰ দুগৰাকীলৈ পদ্মশ্ৰী সন্মান

ভাৰত চৰকাৰ গৃহ মন্ত্ৰালয়ে আজি ২০২২ বৰ্ষৰ পদ্ম বঁটা বিজয়ী সকলৰ নাম ঘোষণা কৰিছে। অসমৰ দুগৰাকী ব্যক্তিয়ে এইবাৰ পদ্মশ্ৰী সন্মান লাভ কৰিছে।

গৃহ মন্ত্ৰালয়ৰ প্ৰেছ বিজ্ঞপ্তি অনুসৰি অসমৰ শকুন্তলা চৌধুৰী আৰু ধনেশ্বৰ ইংতিলৈ পদ্মশ্ৰী সন্মান আগবঢ়োৱা হৈছে।

সামাজিক ক্ষেত্ৰত আগবঢ়োৱা অৱদানৰ বাবে শকুন্তলা চৌধুৰীক পদ্মশ্ৰী সন্মানৰ বাবে বাছনি কৰা হৈছে।

আনহাতে, সাহিত্যলৈ আগবঢ়োৱা অৱদানৰ বাবে ধনেশ্বৰ ইংতিয়ে এই সন্মান লাভ কৰিব।

প্ৰকাশিত তালিকা অনুসৰি উত্তৰ পূৰ্বাঞ্চলৰ ৬ গৰাকী ব্যক্তিলৈ পদ্মশ্ৰী সন্মান আগবঢ়োৱা হৈছে।

We are excited to announce the name of 128 unsung heroes who will be conferred with #PadmaAwards2022 by the President of India!
The list comprises of 4 Padma Vibhushan, 17 Padma Bhushan and 107 Padma Shri Awards. @rashtrapatibhvn pic.twitter.com/ckbpRPDM6D

— MyGovIndia (@mygovindia) January 25, 2022

উল্লেখ্য যে এইবাৰ ৪ গৰাকী ব্যক্তিক পদ্ম বিভূষণ, ১৭ গৰাকীক পদ্ম ভূষণ আৰু ১০৭ গৰাকী ব্যক্তিক পদ্মশ্ৰী সন্মান প্ৰদান কৰা হ’ব।

যোৱা বৰ্ষৰ শেষৰ ফালে হেলিকপ্টাৰ দুৰ্ঘটনাত নিহত হোৱা ভাৰতৰ চীফ অৱ ডিফেঞ্চ ষ্টাফ বিপিন ৰাৱটক মৰণোত্তৰভাৱে পদ্ম বিভূষণ সন্মানেৰে সন্মানিত কৰা হ’ব।